Pavodle źviestak Biełhidramieta, usie reki ŭ Biełarusi ŭžo całkam ačyścilisia ad lodu. Na bujnych aziorach i vadaschoviščach, takich jak Narač, Zasłaŭskaje vadaschovišča i Vilejskaje vadaschovišča, lod jašče zastajecca, ale i tam jon chutka rastaje.
Ciapier na rekach nazirajecca aktyŭnaje viesnavoje razvodździe. Vada ŭžo vyjšła na pojmy ŭ mnohich miescach, asabliva ŭ basiejnach Dniapra, Soža i Prypiaci. Padtopleńni taksama adznačajucca na asobnych učastkach Niomana, Vilii i Biareziny.
Uzrovień vady praciahvaje pavyšacca na bolšaści rek — u siarednim na 1—11 sm za sutki. Tolki na Vilii zafiksavana nievialikaje panižeńnie. Najbolš niebiaśpiečnaja situacyja nazirajecca na race Pronia, dzie ŭzrovień vady blizki da krytyčnaha, ale raście pavolna.
Pavodle MNS Biełarusi, u niekatorych rajonach Mahiloŭskaj i Homielskaj abłaściej užo padtoplenyja damy, dvary, haspadarčyja pabudovy i darohi.
Sinoptyki prahnazujuć, što ŭ najbližejšyja dni vada ŭ rekach praciahnie padymacca, a lod na vadajomach i dalej budzie rastavać.
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik8
Kamientary