Na tarhi vystavili niekalki karcin Šahała. Adnu ź ich užo pradali za $3,6 miljona
Aŭkcyjonnyja damy Christie’s i Sotheby’s pačali Hankonhskuju sieryju tarhoŭ sučasnym mastactvam. Siarod łotaŭ tradycyjna dla Azijackaha rehijona jość niekalki karcin Marka Šahała. Adnu ź ich užo pradali za $3,6 miljona, piša Office Life.
Pieršyja Hankonhskija tarhi sučasnym mastactvam u hetym siezonie prajšli na placoŭcy aŭkcyjonnaha doma Christie's. Padčas tarhoŭ z małatka za $3,6 miljona z ulikam kamisii aŭkcyjonnaha doma pajšła karcina «Pastaral» Marka Šahała. Pieršapačatkova jaje aceńvali ŭ $2,9—4,2 miljona.
Mark Šahał napisaŭ hetu karcinu ŭ 1975 hodzie na piku svajho poźniaha tvorčaha pieryjadu. Charakterna, što hetu rabotu vystaŭlali ŭ Łuŭry padčas vystavy, pryśviečanaj 90‑hodździu mastaka. Na hetaj karcinie Šahała jość usie charakternyja dla jaho rabot vobrazy. Pry hetym u vyhladzie zialonaha skrypača, jaki łunaje nad Viciebskam, mastak, chutčej za ŭsio, adlustravaŭ samoha siabie.
Jašče adnu karcinu Marka Šahała pasprabujuć pradać 28 sakavika. Mastak napisaŭ «Žyćcio» ŭ 1964 hodzie, kali jamu było 76 hadoŭ. U hety čas jon razvažaŭ pra svajo žyćcio i adlustravaŭ na pałatnie vobrazy, jakija paŭtarajucca i vyznačajuć jaho mastacki styl.
Centralnaje miesca ŭ karcinie zajmaje cyrk. Šahał lubiŭ jaho ź dziacinstva i ŭ svaich uspaminach nieadnarazova raskazvaŭ pra vandroŭnych akcioraŭ, jakija pryjazdžali ŭ Viciebsk. Mastak časta atajasamlivaŭ siabie z kłoŭnam, jaki chavaje dalikatnaść, spačuvańnie i ŭraźlivaść pad maskaj uśmieški.
Karcinu pamieram 56,5 na 78 sm aceńvajuć u $612—870 tysiač. Paviedamlajecca, što sapraŭdnaść hetaj pracy paćvierdzili ŭ kamitecie Marka Šahała.
Jašče adnu rabotu mastaka buduć pradavać 30 sakavika padčas Viačerniaha aŭkcyjonu sučasnaha mastactva ad Sotheby's. Šahał napisaŭ «Zakachanych ŭ Paryžy» ŭ 1982 hodzie. Na karcinie jon adlustravaŭ dvuch zakachanych, jakija słuchajuć ihru skrypača na fonie simvała Paryža.
Rabotu pamieram 46 na 38 sm acanili ŭ $230—485 tysiač. Kamitet Marka Šahała taksama paćvierdziŭ jaje sapraŭdnaść.
U Viciebsku zdajecca ŭ arendu budynak, u jakim vučyŭsia Mark Šahał
Viasnoj u Minsk pryviazuć karcinu Šahała
Balet pra Marka Šahała pastaviać u Vialikim teatry
Uspaminy Beły Šahał pakazvajuć niečakany Viciebsk. I raskryvajuć jašče adnu tajamnicu karcin Šahała
Na aŭkcyjonie karcinu Šahała pradali za 3 miljony dalaraŭ
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary