Biełaruska nabyła dziciaci džynsy Mark Formelle — a ŭ kišeni znajšła zahadkavuju zapisku z kitajskimi ijerohlifami
Znachodka žančynu ździviła, bo jana naiŭna vieryła, što adzin z samych znakamitych biełaruskich brendaŭ šyje adzieńnie ŭ Biełarusi.
Biełaruska Maryja apublikavała ŭ Threads fota dziŭnaj znachodki. Jana nabyła dziciaci džynsy ajčynnaha brendu Mark Formelle, a ŭ kišeni akazałasia papierka z kitajskimi ijerohlifami, napisanymi ad ruki.
Darečy, kali pierakłaści tekst na biełaruskuju, dyk ničoha niezvyčajnaha ŭ im niama: prosta niechta zanatavaŭ infarmacyju pra džynsy (madel, koler, pamier i hetak dalej).
Sama Maryja vieryła, što Mark Formelle šyje rečy na radzimie, tamu była vielmi ździŭlenaja. I navat tehnuła aficyjny akaŭnt brendu, kab atrymać adkaz na pytańnie: «Jak takoje mahčyma?».
Biełarusy ŭ kamientarach pačali žartavać i prapanoŭvać svaje pierakłady:
«Tam napisana: «ja maleńkaja kitajsa, šyju dla dziadziečki Farmela žynsi, ratujcie/dapamažycie, prymušajuć pracavać u pančochach!»
«Tydzień doŭhi. Siarebrany kot jeść. Kali siniaje sustreniecca z žoŭtym na zachadzie. Pajezdka ŭ Kitaj hučyć niadrenna, kali iści aściarožna».
«Dyk heta ž na zasłaŭskaj trasiancy napisana. Usie tak u Zasłaŭi havorać».
Niechta paličyŭ znachodku nievypadkovaj: «Heta znak, što treba vučyć kitajskuju, zaraz vielmi pierśpiektyŭna!»
A repietytarka kitajskaj movy skarystałasia mahčymaściu parekłamavać svaje pasłuhi: «Zapisvajemsia da mianie na kitajskuju. Navuču vas čytać usie zapiski sa štanoŭ».
Pančochi razładu: Mark Formelle znoŭ apynuŭsia ŭ centry skandału. Što na hety raz zdaryłasia?
Na kałhotkach ad Mark Formelle paśla myćcia imbirnyja pierniki pieratvarylisia ŭ puchnatych vusieniaŭ. Mnohim navat spadabałasia
Mark Formelle pačaŭ vypuskać adzieńnie dla niemaŭlat
Žančyna, u jakoj pamierła dačka, praz sacsietki šukaje biełaruski śvitšot, jak byŭ u dziciaci. Vytvorca taksama adhuknuŭsia
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary
Moža tam zaklik da dapamohi. Moža šyli ŭ jakim-niebudź kancłahiery.