Rasija kanfiskavała ŭ Google bolš za 100 miljonaŭ dalaraŭ na karyść svaich prapahandystaŭ
Hrošy byli pieradadzienyja resursam, jakija padtrymlivajuć vajnu va Ukrainie — u tym liku telekanałam Russia Today i «Caŕhrad».
Rasijskija ŭłady kanfiskavali bolš za 100 miljonaŭ dalaraŭ u kampanii Google i nakiravali hetyja srodki na finansavańnie prapahandy, jakaja padtrymlivaje vajnu Uładzimira Pucina va Ukrainie, pierakazvaje Biełsat artykuł The Telegraph.
Heta adbyłosia ŭ 2022 hodzie, kali sudovyja prystavy zabrali hrošy z rachunkaŭ kampanii Google u rasijskich bankach, što ŭ vyniku pryviało da bankructva jaje rasijskaha padraździaleńnia. Infarmacyja stała viadomaj z sudovych dakumientaŭ ZŠA.
Zhodna z hetymi dakumientami, srodki byli pieradadzieny rasijskim prapahandysckim telekanałam, u tym liku dziaržaŭnamu «RT» i «Caŕhrad» — kanału, jaki naležyć rasijskamu aliharchu Kanstancinu Małafiejevu. Hetyja srodki płanavałasia vykarystać dla padtrymki vajny va Ukrainie. Raniej Google zajaŭlała ab kanfiskacyi srodkaŭ Kramlom, ale dakładnaja suma, jakaja była zabrana, nie ahučvałasia.
Taksama Google paviedamiła, što suma, jakuju kampanija pavinna była vypłacić pa sudovym rašeńni, była značna mienšaj za sumu, jakaja była kanfiskavanaja. U adkaz na heta Google padała pazovy suprać RT, «Caŕhrad TV» i NFPT u ZŠA i Anhlii, a taksama patrabuje zabłakavać pravy hetych miedyja na pieraśled jejnych aktyvaŭ u inšych krainach.
U sudovych dakumientach Google zajaviła: «Sudovyja prystavy aryštavali aktyvy Google Russia na sumu, bolšuju za 100 miljonaŭ dalaraŭ, navat kali suma, jakaja pavinna była być vypłačana pa rašeńni suda, na toj momant składała mienš za 12,5 miljona dalaraŭ (adzin miljard rasijskich rubloŭ)».
«Caŕhrad atrymaŭ adzin miljard rubloŭ ad zachopu, jaki, jak jon zajaviŭ, budzie vykarystoŭvać dla padtrymki vajny Rasii va Ukrainie», — piša The Telegraph.
Kampanija Małafiejeva padała ŭ sud u Turcyi suprać Google, kab zapatrabavać ad jaje dadatkovych srodkaŭ. Pavodle tureckich dakumientaŭ, rasijskija sudy pryznačyli Google vypłatu ŭ pamiery 32,8 miljarda rubloŭ (273 miljony funtaŭ) na karyść «Caŕhrada». Adnak z-za taho, što štodzionnyja štrafy pavialičvajucca ŭ dva razy kožnyja 24 hadziny, ahulnaja suma moža pieravysić uvieś rynkavy košt Google.
U svaich pazovach Google adznačyła, što rasijskija sudy «ŭviali biesprecedentnyja štrafy i nieabhruntavanyja jurydyčnyja sankcyi suprać Google u sprobie abmiežavać dostup da infarmacyi ab servisach kampanii jak pakarańnie za vykanańnie mižnarodnych sankcyj suprać rasijskich asob i arhanizacyj».
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
Zabrali tolki ŭ svajoj jurysdykcyi. Heta było vidavočna.