Eks-kiraŭnica YouTube Śjuzen Vadžycki pamierła paśla dvuch hadoŭ baraćby z rakam. Pra heta paviedamiŭ hienieralny dyrektar Alphabet Sander Pičai. Joj było 56 hadoŭ, piša The Insider.
«Jana, jak nichto inšy, źviazanaja z historyjaj Google, i ciažka ŭjavić cviet bieź jaje, — napisaŭ Pičai. — Jana była nievierahodnym čałaviekam, lidaram i siabram, jakaja akazała vielizarny ŭpłyŭ na śviet, i ja adzin ź nieźličonych supracoŭnikaŭ Google, jakija stali lepšymi ad taho, što viedali jaje. Nam budzie jaje vielmi nie chapać».
Śjuzen Vadžycki stajała la vytokaŭ stvareńnia Google — faktyčna karparacyja pačałasia ŭ jaje haražy, jaki jana zdała studentam Siarhieju Brynu i Łary Pejdžu.
Nieŭzabavie jana kinuła pracu ŭ Intel i pačała pracavać na svaich arandataraŭ: Vadžycki stała 16-m supracoŭnikam Google i pieršaj žančynaj u kampanii. Jana ž raspracavała mnostva servisaŭ karparacyi, u pryvatnaści Google AdWords i Google AdSense, całkam źmianiŭšy padychod da rekłamy ŭ internecie.
U 2005 hodzie Vadžycki vyrašyła stvaryć prajekt Google Videos, adnak užo tady YouTube abhaniaŭ Google Videos pa trafiku i rostu aŭdytoryi. Paźniej Śjuzen nazavie prajekt Google Videos svajoj samaj vialikaj pamyłkaj.
Vadžycki chutka pryniała rašeńnie ab kupli YouTube, praź niekalki miesiacaŭ Google kupiŭ YouTube za $1,65 młrd. Jak piša The Guardian, na toj momant heta była najbujniejšaja kupla kampanii, a cana — kałasalnaj.
Nieŭzabavie Vadžycki prydumała, jak manietyzavać YouTube z dapamohaj rekłamy i partniorskaj prahramy. U 2010 hodzie jana stała staršym vice-prezidentam kampanii Google. Dziakujučy idejam Śjuzien ŭ 2010 hodzie dachod Google skłaŭ bolš za $28 młrd, a praz dva hady — u 2012-m — jon vyras amal udvaja i skłaŭ bolš za $43 młrd u miesiac.
U 2014 hodzie Śjuzen Vadžycki stała novaj hienieralnaj dyrektarkaj YouTube. Jana zajmała hetuju pasadu da 2023 hoda.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary