Biełaruska znajšła ŭ lesie redki «hryb-vasilok». Što za jon?
Biełaruska apublikavała ŭ tyktoku videa sa znachodkaj hryba, jaki niekatoryja nazyvajuć «lasnym vasilkom». Što heta za vid i ŭ čym jaho asablivaść, piša Telegraf.news.
Da 2005 hoda hety hryb znachodziŭsia ŭ Čyrvonaj knizie Biełarusi. Adnak i siońnia jon niačasta sustrakajecca na prastorach lasoŭ. U Rasii i Ukrainie hiraporus siniejučy pa-raniejšamu znachodzicca pad achovaj.
«Lasnym vasilkom» hety vid hryba prazvali za charakternuju asablivaść. Na miescy zrezu i paškodžańniaŭ pładovaje cieła pačynaje nabyvać jarka vyjaŭlenuju siniuju afarboŭku. Mienavita tamu jašče adnoj nazvaj hryba źjaŭlajecca siniak.
«Hryb jadomy i vałodaje prysmakam lasnoha arecha. Vielmi smačny ŭ smažanym i sušanym vyhladzie», — raskazała aŭtarka videarolika.
Mnohija karystalniki pahadzilisia z aŭtarkaj i adznačyli, što pa smaku «lasny vasilok» pieraŭzychodzić baraviki.
«U nas jaho nazyvajuć siniak. Jon smačniejšy za baravik, škada, ale ich u našych lasach mała…», — napisała adna z karystalnic.
«U nas siniaŭka! Paśla vareńnia stanovicca bieły-bieły i smačniejšy, čym sapraŭdny bieły hryb!», — pakinuła svoj kamientar jašče adna biełaruska.
«Hety hryb u nas na Paleśsi ŭ Biełarusi nazyvajuć bieły palavy. Čaściej za ŭsio sustrakaŭ na piaščaniku», — padzialiŭsia nazirańniem adzin kamientatar.
«Moj baćka ich nazyvaŭ siniuškami», — napisaŭ jašče niechta.
Niekatoryja karystalniki tyktoka nie zmahli adroźnić znachodku ad polskich hryboŭ, jakija taksama źlohku siniejuć pry naciskańni, a niekatoryja zbłytali z machavikom.
Hiraporus siniejučy raście ŭ lasach i stepach ź lipienia pa vierasień. Jon adnosicca da druhoj katehoryi i prydatny ŭ ježu paśla termičnaj apracoŭki. Dobry ŭ varanym, smažanym i marynavanym vyhladzie. Hryb bahaty pihmientnym rečyvam balatołam, jakoje ŭžyvajecca ŭ miedycynie jak antybijotyk. Jon vielmi karysny dla viehietaryjancaŭ i ludziej, jakija trymajuć post, pakolki źmiaščaje vialikuju kolkaść białku.
«25 litraŭ za 2 hadziny». Hrybnyja trafiei ź lasoŭ stali bolš raznastajnymi
Z pačatku hoda 36 čałaviek źnikli ŭ lasach padčas zboru hryboŭ i jahad. Milicejski čynoŭnik viedaje, chto vinavaty
«Jak dźmuchaŭcoŭ u poli». Biełarusy raskazali, jakija hryby stali źjaŭlacca paśla ŭstojlivaj śpioki i karotkich daždžoŭ
Navukoŭcy sprahnazavali, jaki sioleta budzie ŭradžaj hryboŭ i jahad
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary