U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?
Pahladzieli, čamu za Mercedes-Benz 1992 hoda vypusku prosiać 12 tysiač dalaraŭ.
24 hady ŭ adnych rukach
U Minsku za 12 tysiač dalaraŭ pradajuć Mercedes-Benz W124 u kuzavie siedan. Pad kapotam u jaho bazavy 2-litrovy bienzinavy ruchavik na 136 k.s, jaki pracuje ŭ pary z MKPP. Zajaŭleny prabieh — 110 tysiač kiłamietraŭ.
U apisańni paznačana, što aŭtamabil pryhnali z Hiermanii ŭ 2000 hodzie, z taho času aŭtamabil znachodzicca va ŭłasnaści ŭ adnaho haspadara.
Pradaviec zapeŭnivaje, što aŭtamabil nikoli nie traplaŭ u DTZ i znachodzicca ŭ vielmi dobrym stanie.
Siarod fota jość zdymak kopii niamieckaha dakumienta, u jakim paznačana kolkaść ułaśnikaŭ aŭto ŭ Niamieččynie. Za 8 hadoŭ takich było try.
Miarkujučy pa fota, aŭtamabil sapraŭdy zachavaŭsia ŭ vielmi dobrym stanie. Vyhladaje, što dapamahło nie tolki redkaje vykarystańnie, ale i antykarazijnaja apracoŭka kuzava.
Ślady ad apracoŭki mavillu bačnyja na roznych elemientach kuzava, u tym liku ŭ dźviarnych prajomach i na ŭnutranym baku dźviarej.
Ci sapraŭdy hety Mercedes-Benz taki kaštoŭny?
Niahledziačy na dobry dla svajho ŭzrostu stan i mały prabieh, hety aŭtamabil ciažka nazvać ekzemplaram, za jakim buduć haniacca amatary janhtajmieraŭ. I reč tut nie tolki ŭ tym, što za bolš čym 20-hadovuju historyju znachodžańnia na kanviejery było vypuščana 2,5 miljona 124-ch u roznych typach kuzavu.
Vystaŭleny na prodaž aŭtamabil heta nie redki siedan Je500, nie kupe i nie kabryjalet, a samy zvyčajny siedan u ścipłaj kamplektacyi z samym słabym matoram u liniejcy bienzinavych ruchavikoŭ.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary