Adnyja iduć u adpačynak, inšyja jeduć u Bałharyju. Što robiać pieravozčyki z-za ŭzmacnieńnia pravierak na miažy z Polščaj
«1000 jeŭra kaštuje zabrać piersik z «Kukuryk» i davieźci da Bresta», — raskazaŭ adzin ź pieravozčykaŭ vydańniu Most.
Polšča pačała ŭzmocnienyja pravierki hruzavoha transpartu ŭ punkcie propusku «Kukuryki» na miažy ź Biełaruśsiu.
Mytny kamitet Biełarusi ranicaj paviedamiŭ, što Polšča naohuł pierastała ŭpuskać hruzaviki ź Biełarusi. Adnak polski bok paźniej abvierh hetuju infarmacyju, adznačyŭšy, što byli ŭviedzienyja ŭzmocnienyja pravierki.
Pradprymalnik, jaki pracuje ŭ transpartnaj halinie, paćvierdziŭ, što mašyny ź Biełarusi prapuskajuć, ale prykładna ŭ 10 razoŭ pavolniej, čym zvyčajna.
«Adna mašyna 15 chvilin na vahach, heta čatyry mašyny ŭ hadzinu. A zvyčajna prapuskajuć 1000 mašyn za dzień», — kaža surazmoŭca.
Jon ličyć, što ŭ načnuju źmienu situacyja dla transpartnikaŭ moža jašče bolš pahoršycca: «Moža być, prapuściać 5-10 mašyn, buduć bačnaść stvarać».
Na vyjezd u bok Biełarusi punkt propusku pracuje ŭ zvyčajnym režymie. Adnak razumiejučy, što ź viartańniem u Polšču mohuć uźniknuć prablemy, pieravozčyki admaŭlajucca vykonvać rejsy ŭ bok Biełarusi.
«Usie pryhaniajuć mašyny ŭ Polšču — i iduć u adpačynak, pakul nie prajaśnicca situacyja», — raskazvaje pradprymalnik.
«Nichto nie budzie pracavać u minus»
Pavodle jaho słoŭ, łahistyčnyja kampanii i hruzaadpraŭščyki ŭžo pierahladajuć šlachi dastaŭki. Niekatoryja viazuć hruzy ŭ Bałharyju, a adtul dastaŭlajuć moram da Navarasijska abo ŭ party Hruzii. Inšyja pierabudoŭvajuć aŭtamabilnyja maršruty praź Litvu i Łatviju.
Situacyja moža adbicca na kančatkovych spažyŭcach: ciapier siezon, kali ź Jeŭropy dastaŭlajuć sadavinu i harodninu.
«1000 jeŭra kaštuje zabrać piersik z «Kukuryk» i davieźci da TŁC u Breście. Try dni staiš z hruzam na miažy, jašče dva dni jaho vyhružajuć. I potym jašče miesiac stajać, kab zajechać nazad u Polšču?» — pytajecca pradprymalnik.
Praciahłaje čakańnie moža zrabić rejs stratnym.
«Nichto nie budzie pracavać u minus», — kaža pradprymalnik.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary