Nastaŭniku ź Lipieckaj vobłaści prysudzili 20 hadoŭ kałonii pa spravie ab dziaržzdradzie — nibyta za pieravod «Azovu». Jon śćviardžaje, što adpraŭlaŭ hrošy bratu ŭ Łuhansk.
Prysud Daniiłu Klukie 19 červienia vynies vajskovy sud. Mužčynu pryznali vinavatym pa artykułach ab dziaržzdradzie i sadziejničańni terarystyčnaj dziejnaści, piša «Mieduza».
Śledstva śćviardžała, što Kluka, budučy «prychilnikam antyrasiejskich pohladaŭ», pieravioŭ 20 tysiač rubloŭ na kryptahamaniec ukrainskaha pałka «Azoŭ».
Sam Daniił Kluka raspavioŭ, što na jaho danieśli kalehi sa škoły, jakija zaŭvažyli, što jon razmalavaŭ staronki miascovaj haziety, dzie publikavalisia pravajennyja materyjały.
«Ja dumaŭ usio abydziecca zvalnieńniem, a jany jašče ŭ FSB patelefanavali, addali im haziety i skazali, što ja vybuchoŭkaj cikaŭlusia. Paŭtary tydni za mnoj sačyli, potym dyrektar patelefanavaŭ — prychodź, treba z papierami razabracca. Ja pajšoŭ na byłuju pracu i paśpieŭ tolki sotniu mietraŭ prajści, pačalisia «maski-šou», — zajaviŭ Kluka pravaabaroncam.
Sa słoŭ mužčyny, siłaviki znajšli ŭ jahonym telefonie pieravody bratu, jaki žyvie ŭ Łuhansku, i «nastojliva prasili pryznacca», što hetyja hrošy jon adpraviŭ bajcam «Azova».
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2
Kamientary