Pra heta raskazali sami supracoŭniki dziaržSMI.
U mai na miedyjaforumie, dzie sabralisia supracoŭniki dziaržaŭnych ŚMI, Alaksandr Łukašenka raskrytykavaŭ niekatorych prapahandystaŭ.
«Viedajecie, da mianie dachodziać adhałoski niejkich sprečak, što niekatoryja našy žurnalisty, nie kryŭdziciesia, zorku złavili i davaj aŭtarskija pieradačy. (…) Vyjści na ekran i lapić tam usio zapar, vybačajcie mianie za heta słova, łajučy ŭsio i ŭsia vakoł, ličačy, što ty ŭžo va ŭsim razabraŭsia — niebiaśpiečnaja tendencyja, padumajcie nad hetym», — kazaŭ jon.
Pryčynaj hetych słoŭ było aśviatleńnie Ukrainy prapahandystami.
«Nu što vy ŭvieś čas treplecie hetuju Ukrainu. Vy ž nie zabyvajciesia pra toje, što kaliści nam daviadziecca ź imi naładžvać adnosiny», — kazaŭ im Łukašenka.
U niadaŭnim vypusku prahramy «Skažyniemaŭčy» na BT zhadali hety zvarot palityka. I viadučaja Viktoryja Papova zaŭvažyła, što nie pieršy raz Łukašenka źviartaje ŭvahu na pracu dziaržaŭnych žurnalistaŭ. Padčas navahodniaj sustrečy jon taksama kazaŭ supracoŭnikam dziaržSMI, što «treba prajści pa tonkim lodzie, uličvajučy siońniašniuju situacyju».
«Zbavić krychu hradus, nie pierachodzić na abahulnieńni, — dadaŭ hienieralny dyrektar ahienctva «Minsk-naviny» i staršynia dziaržaŭnaha Sajuza žurnalistaŭ Andrej Kryvašejeŭ. — I ŭ Sajuz žurnalistaŭ, paviercie, dziasiatki zvarotaŭ iduć nakont našych kaleh, jakija viaduć emacyjnuju aŭtarskuju publicystyku. Na ich ludzi sapraŭdy źviartajuć uvahu, heta ich turbuje. Niechta chvalić, niechta łaje».
Ciapier čytajuć
Sakretnaje dziaržaŭnaje apytańnie 2020 hoda — Babaryka pierad aryštam dahnaŭ Łukašenku pa rejtynhu9
Kamientary