Stała viadoma, za što Łukašenka hramiŭ «aŭtarskija prahramy» na telebačańni
«Nu što vy ŭvieś čas treplecie hetuju Ukrainu. Vy ž nie zabyvajciesia pra toje, što kaliści nam daviadziecca ź imi naładžvać adnosiny».
U svaim vystupleńni na Forumie miedyjnaj supolnaści Biełarusi Łukašenka źviarnuŭ uvahu na aŭtarskija prahramy. Z horyčču jon zaŭvažyŭ, što
«niekatorych našych «zornych žurnalistaŭ», treba pavaročvać, Ivan Michajłavič [Ejsmant], kudy treba», i pryvioŭ prykład:
«Nu što vy ŭvieś čas treplecie hetuju Ukrainu? Vy ž nie zabyvajciesia pra toje, što kaliści nam daviadziecca ź imi naładžvać adnosiny. Heta susiedskaja naša kraina. Heta rodnaja nam kraina. I ja ŭpeŭnieny, što tyja, chto havoryć žorstka pra Ukrainu, nie razumiejuć, što pieravažnaja bolšaść va Ukrainie — narmalnyja ludzi.
Ale tam infarmacyjna-psichałahičnyja apieracyi, ŚMI i inšaje zabityja siońnia nie tolki nacyjanalna aryjentavanymi ludźmi, nu prosta nacystami. Kali my ich pačynajem bambić-małacić, drenna ŭsprymajuć zvyčajnyja ludzi».
Łukašenka zapeŭniŭ, što vykazvaje nie tolki svajo mierkavańnie, a abapirajecca na manitorynh situacyi va Ukrainie: «My bačym, jak jany havorać: «Nu navošta nas baćka tak».
U suviazi z hetym Łukašenka zaklikaŭ žurnalistaŭ «być vielmi akuratnymi i ŭsio pradumvać»: «Vyjści na ekran i lapić tam usio zapar, łajučy ŭsio i ŭsia vakoł, ličačy, što ty ŭžo va ŭsim razabraŭsia, niebiaśpiečnaja tendencyja. Padumajcie nad hetym».
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary