Ukraina ŭžo atrymała zachodniuju zbroju z dazvołam bić pa Rasii — MZS Łatvii
Jość krainy, jakija pieradajuć Ukrainie zbroju biez raniejšych abmiežavańniaŭ.
Novapryznačanaja ministarka zamiežnych spraŭ Łatvii Bajba Braže zajaviła, što Ukraina atrymała ad niekatorych partnioraŭ zachodniuju zbroju z dazvołam bić pa rasijskaj terytoryi.
Pra heta jana raskazała ŭ intervju «Jeŭrapiejskaj praŭdzie».
Ciapier Ukraina atrymlivaje zbroju ad zachodnich partnioraŭ z publičnaj pieraściarohaj paźbiahać udaraŭ im za miežami Ukrainy. Adnak, ličyć Braže, taki padychod moža źmianicca, i navat bolš — jon užo mianiajecca.
«Užo ciapier jość krainy, jakija ŭžo dali Ukrainie zbroju, biez padobnych abmiežavańniaŭ», — skazała kiraŭnica MZS Łatvii.
Braže patłumačyła, što ŭ hetych vypadkach ab źniaćci abmiežavańniaŭ nie kazali publična.
«Viadoma, nie ŭsio abviaščajecca publična, i navat lepš nie kazać heta ŭsłych da peŭnaha času. Hałoŭnaje — upłyŭ na poli boju. Tamu što tut jość vybar: ci kazać pra niešta hučna, ci prosta rabić toje, što treba», — skazała jana.
Ministarka vykazała pierakanańnie, što kali jość abjekty, ź jakich Rasija atakuje Ukrainu, to Ukraina maje prava na ŭdar u adkaz, kali hetyja abjekty raźmieščanyja na rasijskaj terytoryi. Pa słovach Braže, takoje prymianieńnie zbroi dazvalaje mižnarodnaje prava.
Braže taksama padzialiłasia tym, jak «kaalicyja dronaŭ», jakuju ŭznačalvaje ŭ tym liku i jaje kraina, płanuje zabiaśpiečyć patreby ŭkrainskaha vojska, i vykazała pierakanańnie, što ŭ vajnie čas hulaje nie na karyść Rasii.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič16
Kamientary