Hramadstva1313

Łukašenka raskazaŭ svaju viersiju, za što pierasadžaŭ žurnalistaŭ u Biełarusi

Alaksandr Łukašenka vystupiŭ u Mahilovie na tak zvanym Forumie miedyjnaj supolnaści Biełarusi. Tam jon zaklikaŭ uzmacniać «prapahandu i kontrprapahandu, ideałahičnuju pracu».

«Treba ŭzmacniać prapahandu i kontrprapahandu, ideałahičnuju rabotu. Chaču, kab maładyja žurnalisty heta zasvoili, — skazaŭ Łukašenka. — Nie treba saromiecca hetych słoŭ i paniaćciaŭ. Ci na Zachadzie ich niama? Jość. Prosta nazvali inšym słovam — pijar, heta značyć rabota z hramadskaj dumkaj. Sutnaść adna», — ličyć Łukašenka.

Jon miarkuje, što słovy pra demakratyčnyja kaštoŭnaści — heta bałbatnia.

«Nas nie treba karmić roznaha rodu bałbatnioj ab nibyta niezaležnych ŚMI, demakratyčnych kaštoŭnaściach. My ž bačym, jak jany kidajuć u turmy svaich žurnalistaŭ, zakryvajučy miedyja i pieraśledujučy kožnaha, chto aśmieliŭsia nie pahadzicca z palitykaj i dziejańniami ŭład», — dzielicca svajoj karcinaju śvietu Alaksandr Łukašenka. Na jaho dumku, takoje adbyvajecca «ad ZŠA i Jeŭraźviaza da Małdovy, Prybałtyki, Ukrainy i Hruzii». 

Łukašenka zaznačyŭ, što niekatoryja z prysutnych mohuć skazać, što takoje ž było ŭ Biełarusi ŭ 2020 hodzie. 

«Było, — adkazaŭ sam sabie Łukašenka. — Ale my nie chapali ich za mierkavańnie i nie sadžali ich tam turmu <…> My ich sprabavali pakarać — praŭda, nie pakarali — za zdradu. Vy ž kala hetaj karmuški rochkali, vam było dobra — pałacy, aŭtamabili i inšaje (nie chaču pry dzieŭčynach kazać) — usio ŭ vas było. Proźviščy viedajecie. Vam było dobra, potym vietryk dźmuchnuŭ ź inšaha boku, i vy nie prosta pačali vykazvacca (byvaje, mierkavańnie mianiaje čałaviek, što tut takoha), ale vy pačali łamać i kryšyć krainu. A vy byli ŭpeŭnienyja, što ŭsie hetaha chočuć? Voś my zmahalisia suprać hetaha. U tym liku i spahaniali z žurnalistaŭ. Za parušeńnie zakona», — skazaŭ Łukašenka.

Pavodle BAŽ, ciapier u źniavoleńni znachodziacca 35 žurnalistaŭ. Usie jany pryznanyja palitźniavolennymi. Amal usie redakcyi niezaležnych ŚMI vymušany byli źjechać z krainy. ŚMI, jakija zastalisia ŭ Biełarusi, vymušany albo padtrymlivać palityku Łukašenki, albo całkam vyklučyć temu palityki sa svaich publikacyj. 

U Indeksie svabody presy, apublikavanym u 2024-m «Reparciorami bieź miežaŭ», Biełaruś za hod apuściłasia na 10 pazicyj i znachodzicca ciapier na 167‑m miescy sa 180. Jana akazałasia siarod 36 krain, stan svabody presy ŭ jakich aceńvajecca jak «vielmi drenny».

Kamientary13

  • Josik
    28.05.2024
    Vy ŭsio viedajecie, vy ich znajecie i h.d. Bałbatnia ŭ ciabie, tavaryš dyrektar saŭhasa. A praŭda ŭ tym, što ty ŭžo ŭsim apastyliŭ, za dzioŭb svajoj chłuśnioj, pa-rasiejsku, kali bolš tabie daspadoby, za.baŭ, tamu narod i skazaŭ SYCHODŹ.
  • Das ist Clowns
    28.05.2024
    Dla čaho piarycie? Ja razumieju kali b artykuł byŭ dla raźmiežavańnia svoj-čužy. Čeł. curaŭsia ŭsiaho biełaruskaha, chaj trybunał ź im raźbiracca. Haaha ŭčarašni dzień, jon maje vajskovuju pasadu, adpuściŭ vajskovyja złačynstvy, pra cyvilnyja złačynstva ja ŭžo maŭču
  • Kazimir
    28.05.2024
    Vy ž kala hetaj karmuški rochkali, vam było dobra — pałacy, aŭtamabili i inšaje (nie chaču pry dzieŭčynach kazać) — usio ŭ vas było. Proźviščy viedajecie.

    Heta łukašenka ŭžo trenujecca, što jon mienavita budzie ŭsklikać z łavy padsudnych? Nu kali jahonyja chałui-prapahandysty adzinahałosna pačnuć śviedčyć suprać byłoha haspadara, kab admycca?

Ciapier čytajuć

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Usie naviny →
Usie naviny

Cina Pałynskaja i jaje 22-hadovaja dačka znachodziacca pad vartaj1

Inicyjatyva Maldzis vykupiła kartu VKŁ Jana Niapreckaha3

Jak dačka novaha prezidenta Polščy Karala Naŭrockaha stała zorkaj i skrała ŭvahu ŭsioj krainy7

Jak zmahajecca za žyćcio kurjer, jaki jechaŭ na elektraviełasipiedzie na piešachodnym pierachodzie na zialonaje, ale trapiŭ pad aŭto9

Nie bajacca ni boha ni čorta. Jak tajnyja pakupniki kašmarać kramy pad Minskam11

Ułaśniki Realt.by pašyrajuć biznes na Polšču, AAE i Čarnahoryju1

U Rasii adbyŭsia druhi za dva dni pažar na zavodzie pa vytvorčaści matoraŭ dla vajskovaj techniki4

Eks-televiadučaja i madelka raspaviała, što ciapier pracuje kasirkaj u piakarni10

U Maskvie siarod biełaha dnia na vačach palicyi kadyraŭcy vykrali čałavieka. Dzie jon ciapier, nichto nie viedaje3

bolš čytanych navin
bolš łajkanych navin

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Hałoŭnaje
Usie naviny →

Zaŭvaha:

 

 

 

 

Zakryć Paviedamić