Ułady Paŭdniovaj Karei zabłakavali miehapapularny klip «Pryjazny baćka» pra Kim Čen Yna
Prapahandyscki klip ad KNDR pad nazvaj «Pryjazny baćka», jaki ŭschvalaje paŭnočnakarejskaha dyktatara Kim Čen Yna, niadaŭna staŭ supierchitom u tyktoku i inšych sacsietkach, sabraŭšy miljony prahladaŭ pa ŭsim śviecie. U Paŭdniovaj Karei paličyli pieśniu «psichałahičnaj zbrojaj».
Kamisija pa standartach suviazi Paŭdniovaj Karei aficyjna zabłakavała ŭ krainie paŭnočnakarejski klip pra Kim Čen Yna, kab «abmiežavać namahańni režymu Kima pa ŭschvaleńni i rekłamavańni svajoj dziejnaści», piša ahienctva The Guardian.
Rehulatara ab hetym paprasili paŭdniovakarejskija śpiecsłužby, bo paličyli papularny prapahandyscki klip «psichałahičnaj zbrojaj».
«Videa źjaŭlajecca typovym kantentam, źviazanym ź psichałahičnaj vajnoj suprać Paŭdniovaj Karei, pakolki jano było raźmieščana na kanale, jaki nakiravany na aŭdytoryju zamiežža i ŭ asnoŭnym prapahanduje adnabakovaje abahaŭleńnie i ŭsłaŭleńnie Kima», — havorycca ŭ aficyjnaj zajavie paŭdniovakarejskaha rehulatara.
Nahadajem, što klip «Pryjazny baćka» byŭ pradstaŭleny ŭ pačatku miesiaca dziaržaŭnym telebačańniem Paŭnočnaj Karei. Jon pakazvaje, jak paŭnočnakarejskija sałdaty i školniki ŭvieś čas śpiavajuć: «Davajcie zaśpiavajem pra Kim Čen Yna, vialikaha lidara / my budziem hanarycca Kim Čen Ynam, našym pryjaznym baćkam».
Što staić za hetym klipam i jak stvaraŭsia hety prapahandyscki klip, «Naša Niva» pisała tut.
Cichanoŭski raskazaŭ, što treba było rabić u žniŭni 2020-ha62
Kamientary