U tyktoku virusicca chit 80-ch — vy dakładna jaho viedajecie
U tyktoku dziŭny trend — ludzi masava stvarajuć roliki pad pieśniu Pedro italjanki Rafaeły Kara. Trek 1980 hoda zavirusiŭsia ź niečakanym supravadžeńniem.
Ideja trendu prostaja: u rolikach pad remiks pieśni Pedro pakazvajuć kruhłyja videa z žyviołami, jakija tančać pad trek. Samyja papularnyja videa takoha kštałtu źjavilisia ŭ krasaviku i naličvajuć miljony prahladaŭ, a to i dziasiatki miljonaŭ.
Trend raspačaŭsia ź videa, na jakim tancavaŭ maleńki janot Džyndžer. Rolik vyjšaŭ jašče ŭ vieraśni 2023-ha, a ŭ 2024-m na videa nakłali novuju muzyku — remiks na pieśniu Pedro. I trend palacieŭ u narod, na siońnia pad hetuju viersiju pieśni stvorana bolš za dva miljony videa.
Tyktokiery zdymajuć roliki z roznymi žyviołami, ale bolš za ŭsio virusiacca videa ź janotami:
PEDRO PEDRO PEDRO #BrasileirãoNaCazéTV
Adzin z takich janotaŭ niadaŭna atrymaŭ svaju chvilinu słavy ŭ pražskim načnym kłubie:
Ale ž nie va ŭsich jość mahčymaść źniać rolik ź janotam, i tamu ŭ trendavych rolikach možna pabačyć i inšych žyvioł. Samaje prostaje — źniać chatniaha hadavanca:
Jość i bolš aryhinalnyja varyjanty:
Chit Rafaeły Kary pryśviečany chłopcu Piedra, jaki žyvie ŭ horadzie Santa-Fe. Hierainia pieśni sustrakaje jaho, kali pryjazdžaje ŭ horad, i Piedra prapanoŭvaje joj być jaje hidam u Santa-Fe. Horad jana tak i nie ŭbačyć, ale ž zastaniecca zadavolenaja pajezdkaj. Heta vielmi rytmičnaja i zavadnaja pieśnia, to i nie dziva, što jaje remiks daŭ naradžeńnie novamu trendu.
Da biełaruskich sacsietak tendencyja taksama dajšła. Voś adzin z tvitaŭ na hetuju temu:
«Naša Niva» — bastyjon biełaruščyny
PADTRYMAĆČytajcie taksama:
Sałat ź jabłykami i kurycaj — recept
Što za błohier-miljońnik Loony, jaki abražaje biełaruskamoŭnych u svaich videa?
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary