Što za błohier-miljońnik Loony, jaki abražaje biełaruskamoŭnych u svaich videa?
Błohier Loony (ci Dzianis Iljin u žyćci) aŭdytoryi jutuba viadomy svaimi navukova-papularnymi rolikami na tematyku miedycyny i historyi. Ale na dniach jon sieŭ u łužynu, sprabujučy vypraŭlać pamyłki ŭ biełaruskamoŭnaj rekłamie, i prasłaviŭsia svaimi hučnymi, kateharyčnymi zajavami pra toje, što ŭ Biełarusi nichto nie razmaŭlaje pa-biełarusku.
«Ja 19 hod žyŭ u vioscy — nichto nie razmaŭlaŭ pa-biełarusku. U škole było 400 čałaviek — nichto nikoli nie razmaŭlaŭ. Spytaj tam, što takoje rovar — ciabie nachier pašluć. Vyjdzi na vulicy — pačuj choć adno słova pa-biełarusku. Nichto na biełaruskaj nie razmaŭlaje», — zajaŭlaje jon u svaim tyktoku.
Što ž heta za vioska? Pa infarmacyi «Biełpoł», Dzianis Iljin naradziŭsia ŭ vioscy Novyja Łuki. Jana znachodzicca ŭ Žłobinskim rajonie. Zhodna z apošnimi adkrytymi źviestkami, tam pražyvaje kala 670 žycharoŭ, pracuje škoła.
Viadoma, što chłopiec skončyŭ technałahičny kaledž, niejki čas pracavaŭ u treście hazaelektrazvarnikam. Baćka — kranaŭščyk z BMZ, a apošniaje pracoŭnaje miesca maci — sanitarka ŭ rajonnaj balnicy. Razam jany nie žyvuć, bo ŭ razvodzie.
Da 2020 hoda Iljin mieŭ svajo IP u halinie ciaślarnych prac, mianiaŭ ludziam vokny. Zharnuŭšy jaho, bolš skancentravaŭsia na jutubie. Nieadnarazova byŭ zaprošany ŭ Rasiju ŭ jakaści ekśpierta na błohierskija schodki.
Ciapier pražyvaje ŭ Pinsku. Akramia jutub-kanałaŭ, viadzie tyktok, dzie vykładvaje roliki na roznyja temy: ad plusaŭ žyćcia ŭ Biełarusi i ajčynnaj miedycyny da manałohaŭ, jak jon daje rady dyjahnastavanamu sindromu deficytu ŭvahi i hipieraktyŭnaści.
Paśla jaho hučnych zajavaŭ pra biełaruskuju movu jon paśpieŭ niasłaba adhreści ad padpisčykaŭ, ale ŭsich apanientaŭ, jakija davodziać jamu arhumienty na karyść taho, što navat u apošnim pierapisie rodnaj biełaruskuju movu nazvała 54,1% nasielnictva, jon nazyvaje «kastrulahałovymi».
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU16
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary