Viartajučysia ŭ Minsk paśla sustrečy z Pucinym u Maskvie, Łukašenka pa darozie spyniŭsia na Mahiloŭščynie, dzie naviedaŭ ZAT «ASB-Ahra Haradziec» u Škłoŭskim rajonie. U 1987‑1994 hadoch jon byŭ dyrektaram hetaha sielhaspradpryjemstva, jakoje tady nazyvałasia saŭhasam «Haradziec».
«Ja čamu pryjechaŭ, kali ščyra kazać? Kładusia spać nočču — son mnie. Pastajanna mnie Haradziec śnicca. I śnicca, što ja niepasredna znoŭ pracuju ŭ «Haradcy». A potym jašče ŭ śnie dumaju: Hospadzie, što ja ŭ kahości niešta prašu? Ja ž prezident. U mianie heta ŭžo kaša. «Haradziec» hety nie adpuskaje.
Dumaju, nu treba zajechać. U minułym hodzie niejak nie atrymałasia, u pieršaj pałovie hetaha hoda. A tut dumaju: dobra, z Maskvy budu lacieć, pryziamliŭsia, zajedu, pahladžu. Moža być, śnicca nie budzie», — havaryŭ Łukašenka pierad sabranym natoŭpam miascovych žycharoŭ.
Siarod inšaha jon panarakaŭ na toje, što ludzi ciapier nie tyja, z raniejšymi było praściej:
«Viadoma, da nas było pakaleńnie, jakoje vajavała, naša pakaleńnie — jano ŭ biadzie vyrasła, u hory. Paśla vajny — tam nichto nie hladzieŭ, kab… Voś, moładź: a ci možna, Alaksandr Ryhoravič, nam davać padtrymku za druhoje narodžanaje dzicia? Ja kažu: dy Boh z vami. Heta možna, ale dzie ŭziać hrošy dla hetaha? Što, u piensijanieraŭ adabrać hrošy? Dyk jany ŭ nas nie bahatyja. Za druhoje dzicia płacić… Chto płaciŭ za šostaha ŭ tyja časy?
Voś takaja śviadomaść u ludziej. I ja tak voś pa-staradaŭniamu zadaju pytańnie: niaŭžo našamu pakaleńniu treba voś hetyja niejkija ciažkaści — nie daj boh vajna — kab my paśla hetaha navučylisia šanavać žyćcio?»
Pry hetym ciapierašnim stanam svajoj byłoj haspadarki Łukašenka zusim nie zadavoleny. Jamu vielmi nie spadabałasia, jak zachoŭvajuć zapčastki na mašynnym dvary. I siońnia «Haradziec», maŭlaŭ — nie samaja horšaja, ale adna z najhoršych haspadarak: «Heta hańba dla prezidenta… Da takoha stanu daviali».
Łukašenka daŭ daručeńnie miascovym uładam i kiraŭnictvu svajho Kiraŭnictva spravami da viasny navieści «idealny paradak».
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary
a ciapier ?
ciapieraka niama ani karoúnikaú , ani kambajnioraú , úsie na vaładarcy...