Śledčy kamitet aryštavaŭ majomaść 20 «analitykaŭ Cichanoŭskaj»
Pra zakančeńnie papiaredniaha rasśledavańnia kryminalnaj spravy «ŭ dačynieńni da 20 udzielnikaŭ ekstremisckaha farmavańnia «analityki Śviatłany Cichanoŭskaj» paviedamiŭ 27 sakavika adździeł infarmacyi i suviazi z hramadskaściu Śledčaha kamiteta.
Paviedamlajecca, što «nazvanyja asoby prymali aktyŭny ŭdzieł u vypracoŭcy i realizacyi kancepcyi destruktyŭnaj dziejnaści, nakiravanaj na pryčynieńnie škody nacyjanalnaj biaśpiecy Respubliki Biełaruś, a taksama sadziejničali ŭzbudžeńniu sacyjalnaj varožaści i varažniečy ŭ hramadstvie».
U śpisie «ekstremisckich analitykaŭ» Ryhor Astapienia, Filip Bikanaŭ, Alaksandr Dabravolski, Juryj Drakachrust, Andrej Kazakievič, Hanna Krasulina, Jaŭhien Kryžanoŭski, Dzianis Kučynski, Vieranika Łapućka, Alaksandr Łahviniec, Hanna Lubakova, Vasil Navumaŭ, Maryja Rohava, Piotr Rudkoŭski, Alesia Rudnik, Natalla Rabava, Pavieł Usaŭ, Taćciana Čulickaja, Alaksandr Šłyk, Kaciaryna Šmacina.
Kryminalnaja sprava pieradadziena ŭ sud, fihurantam inkryminujuć čatyry artykuły Kryminalnaha kodeksu.
«Z metaj zabieśpiačeńnia kampiensacyi naniesienaj škody na majomaść abvinavačanych, u tym liku darahija kvatery, damy i ziamielnyja ŭčastki, nakładzieny aryšt. U ciapierašni čas papiaredniaje rasśledavańnie skončana ŭ paradku śpiecyjalnaj vytvorčaści», — havorycca ŭ relizie Śledčaha kamiteta.
Čytajcie taksama:
SK zavioŭ spravy na 20 «analitykaŭ Cichanoŭskaj». Tam jość i analityki suprać Cichanoŭskaj
Dabravolskamu, Libieru i Žyvahłod zavočna prysudzili pa 4 hady za zryŭ refierenduma
Zavočna buduć sudzić haradziencaŭ Uładzimira Chilmanoviča i Siarhieja Vieramiejenku
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary