Dabravolskamu, Libieru i Žyvahłod zavočna prysudzili pa 4 hady za zryŭ refierenduma
U sudzie Zavodskaha rajona Minska 18 sakavika ŭ pracesie śpiecyjalnaj vytvorčaści (zavočna) vynieśli prysud pa kryminalnaj spravie ŭ dačynieńni da Aleny Žyłačkinaj (Žyvahłod), Paŭła Libiera, Paŭła Maryniča i Alaksandra Dabravolskaha, jakija, pavodle abvinavačańnia, «raspracavali płan pa zryvie respublikanskaha refierendumu ŭ 2022 hodzie».
Usich čatyroch abvinavačvajuć pavodle č. 2 art. 191 Kryminalnaha kodeksa («pieraškoda pracy Centralnaj vybarčaj kamisii, a taksama kamisij pa refierendumie, ździejśnienym z užyvańniem pahrozy i inšym sposabam, hrupaj asob pa papiaredniaj zmovie»).
Spravu razhladaŭ sudździa Dźmitryj Łukaševič.
Śpiecvytvorčaść była raspačataja Śledčym kamitetam pa ŭzhadnieńni z hienprakuroram Biełarusi 27 śniežnia 2023 hoda, a ŭžo 22 lutaha spravu pieradali ŭ sud.
Pa materyjałach śledstva, fihuranty razam ź inšymi asobami ŭ studzieni-lutym 2022 hoda «ŭdzielničali ŭ raspracoŭcy i realizacyi adzinaha płana supraćpraŭnych dziejańniaŭ dla zryvu respublikanskaha refierendumu pa pytańni ŭniasieńnia źmianieńniaŭ i dapaŭnieńniaŭ u Kanstytucyju Biełarusi, pryznačanaha na 27 lutaha 2022 hoda. Zhodna z płanam, pa miescy pracy i žycharstva členaŭ Centrvybarkama i kamisij pa refierendumie pavinny byli nakiroŭvacca listy z tekstam, raspracavanym abvinavačanymi nie paźniej za studzień 2022 hoda».
Adznačajecca, što ŭ vyniku ŭ adras členaŭ CVK i kamisij pa refierendumie nakiravana nie mienš za 11 tys. listoŭ z pahrozami.
Alena Žyvahłod — kiraŭnica inicyjatyvy «Sumlennyja ludzi», Alaksandr Dabravolski — palityk, staršy daradca Śviatłany Cichanoŭskaj, Pavieł Libier stvaryŭ płatformu dla hałasavańnia «Hołas», a Pavieł Marynič źjaŭlajecca kiraŭnikom «Małanka Miedyja».
Usich čaćviarych sud pryznaŭ vinavatymi pa č. 2 art.191 KK (pieraškoda pracy Centralnaj vybarčaj kamisii, a taksama kamisij pa refierendumie, ździejśnienaja z užyvańniem pahrozy i inšym sposabam, hrupaj asob pa papiaredniaj zmovie) i kožnamu pryznačyŭ pakarańnie ŭ vyhladzie pazbaŭleńnia voli na termin čatyry hady kałonii va ŭmovach ahulnaha režymu, piša «Lusterka».
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii28
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary