MZS Čechii prapanavała zrabić zabaronu na vydaču viz i DNŽ biełarusam biesterminovaj
Čechija razhladaje mahčymaść padaŭžeńnia zabarony na vydaču viz i dazvołaŭ na žycharstva (DNŽ) rasijanam i biełarusam.
Pakul hetaja zabarona dziejničaje da 31 sakavika sioleta. Z adpaviednaj prapanovaj vystupiła MZS krainy, piša Radyjo Svaboda.
Zabaronu dla rasijanaŭ Čechija ŭviała adrazu paśla pačatku rasiejskaj vajennaj ahresii suprać Ukrainy, u červieni 2022 hoda jaje dziejańnie było praciahnutaje da sakavika 2023 hoda, a potym da sakavika sioleta. Vyklučeńnie było zroblena dla pajezdak z humanitarnymi metami.
Letaś u sakaviku zabaronu raspaŭsiudzili i na biełarusaŭ, pry hetym nie maje značeńnia, ci jość u ich hramadzianstva inšaj krainy.
U niekatorych vypadkach atrymańnie vizy abo DNŽ usio ž mahčymaje: naprykład, kali zajaŭnik źjaŭlajecca členam siamji hramadzianina Čechii abo inšaj krainy ES abo inšaziemca, jaki maje češski DNŽ.
Dla biełarusaŭ taksama zachoŭvajecca mahčymaść atrymać vizu dla navučańnia, kali jana apłačvajecca stypiendyjaj z boku Čechii, ES ci mižnarodnaj arhanizacyjaj.
Jašče adno vyklučeńnie składajuć tyja zajaŭniki, čyjo znachodžańnie «adpaviadaje intaresam Češskaj Respubliki» i heta paćvierdziła MZS krainy.
U sakaviku 2023 hodu zabaronu vydačy vizaŭ biełarusam sprabavała asprečyć Śviatłana Cichanoŭskaja padčas vizitu ŭ Prahu, joj heta było abiacana, ale nieŭzabavie ŭłady krainy ŭsio ž uviali zabaronu i dla biełarusaŭ.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary