Jeŭrakamisija prapanuje pavialičyć košt šenhienskaj vizy na 10 jeŭra
Adpaviedna, kali viza padaražeje, to i vyraście suma servisnaha zboru.
Jeŭrapiejskaja kamisija prapanavała pavialičyć bazavy zbor za šenhienskuju vizu na 12% da kanca 2024 hoda. Pra heta paviedamlaje Office Life sa spasyłkaj na sajt JEK.
Inicyjatyva Jeŭrapiejskaj kamisii praduhledžvaje pavyšeńnie bazavaj płaty za atrymańnie vizy z 80 da 90 jeŭra dla darosłych i z 40 da 45 jeŭra dla dziaciej.
Pavyšeńnie pošlin adčujuć krainy, jakija «nie hatovyja supracoŭničać ź Jeŭrasajuzam pa viartańni svaich hramadzian, jakija vydvarajucca z krain ES za niezakonnuju mihracyju, parušeńni vizavaha režymu».
Kali Rada ES vyjavić «niedastatkovaje supracoŭnictva pa readmisii» z treciaj krainaj, to košt «šenhiena» dla hramadzian hetaj krainy vyraście z 120/160 jeŭra da 135/180 jeŭra.
Pierahlad vizavych zboraŭ paŭpłyvaje na maksimalnuju sumu, jakuju mohuć spahaniać źniešnija pastaŭščyki pasłuh u jakaści servisnych zboraŭ.
Naprykład, kali viza padaražeje da 90 jeŭra, to da 45 jeŭra pavialičycca suma servisnaha zboru.
Dla situacyj padaŭžeńnia šenhienskaj vizy prapanujecca pakinuć zbor raniejšym — 30 jeŭra.
Udakładniajecca, što pierahlad koštu vizy nie paŭpłyvaje na vizavyja zbory dla krain, ź jakimi zaklučany pahadnieńni ab spraščeńni vizavaha režymu.
Rada JEZ častkova prypyniała dziejańnie sproščanaha vizavaha režymu ź Biełaruśsiu vosieńniu 2021 hoda. Abmiežavańnie zakranuła aficyjnych asob.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary
Kibierpartyzany apublikavali ich zarobki 5-9 tysiač bieł. rubloŭ. Im na vizy hrošaj chopić.