Letaś pasłuhaj Tax Free ŭ Łatvii bolš za ŭsio karystalisia biełarusy
U minułym hodzie bolš za ŭsio pakupak u sistemie Tax Free ŭ Łatvii ździejśnili žychary Biełarusi, jakija skłali 22% ad ahulnaj kolkaści pakupnikoŭ, paviedamiła kiraŭnik servisu viartańnia padatkaŭ SIA Global Blue Latvija Vinieta Kałmanie, piša Delfi.lv.
Taksama ŭ minułym hodzie časta karystalisia pasłuhaj Tax Free ŭ Łatvii pryjezdžyja z Uźbiekistana (11%), Izraila (10%) i Turcyi (9%).
Jak raspaviała Kałmanie, abjom pakupak Tax Free ŭ 2023 hodzie byŭ jašče daloki ad uzroŭniu da pandemii. «Rynak adnaviŭsia mienš čym na 30%», — skazała jana, dadaŭšy, što pakupki Tax Free šmat u čym źviazanyja z turyzmam, jakomu ciapier pieraškadžajuć vajna va Ukrainie i kanflikt u siektary Haza.
Adkazvajučy na pytańnie ab pakupkach hramadzian Rasii ŭ Łatvii, Kałmanie skazała, što da pandemii rasijanie składali 60% ad ahulnaj kolkaści karystalnikaŭ servisu Tax Free, ale z pačatkam vajny ich stała mienš na 98%. «U Łatvii ich praktyčna niama», — skazała Kałmanie.
Pa dadzienych Global Blue Latvija, asnoŭnymi katehoryjami tavaraŭ, jakija zamiežniki kuplajuć u Łatvii praz Tax Free, źjaŭlajucca adzieńnie i abutak — 46% ad ahulnaj kolkaści pakupak pry siaredniaj sumie pakupki 228 jeŭra. Dalej iduć elektratavary (21%, siaredniaja suma pakupki — 743 jeŭra), spartyŭnyja tavary (11% i 239 jeŭra), juvielirnyja vyraby i hadzińniki (8%, siaredniaja suma pakupki 806 jeŭra).
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary