Daniłaŭ: Pieramovy, jakija prapanuje Rasija, — heta naša kapitulacyja
Sakratar Rady nacyjanalnaj biaśpieki i abarony Ukrainy pierakanany, što Ukrainie ŭdasca adnavić kantrol nad usimi svaimi terytoryjami.
«Ni da jakich pieramovaŭ Pucin nie hatovy. Pucin ci jaho atačeńnie robiać hetyja zajavy, kab źnizić padtrymku krainy. Jany zapuskajuć hetyja fejki, nibyta hatovyja da pieramovaŭ. Ale vy viedajecie vyrazna pazicyju našaha prezidenta: jość 10 punktaŭ formuły miru Uładzimira Zialenskaha. Čytajcie ŭvažliva, tam usio napisana», — skazaŭ Alaksiej Daniłaŭ u intervju «Hołasu Amieryki».
«Bo pieramovy, jakija prapanuje Rasijskaja Fiederacyja, davoli prostyja, — heta naša kapitulacyja. My nie možam sabie dazvolić kapitulavać pierad krainaj, jakaja jašče 24 lutaha pačała nas źniščać. I my i dalej budziem iści da pieramohi», — pierakanany sakratar RNBA.
Jon taksama kaža, što Kijeŭ chacieŭ by mieć značna lepšuju situacyju pa vyzvaleńni ŭkrainskich terytoryj.
«Ale paralelna z hetym pracesam, adbyvalisia vielmi bujnyja i važnyja padziei na Čornym mory. Što tyčycca hetaj situacyi, to 20% fłotu Rasijskaj Fiederacyi ŭžo niama. Pryčym heta nie niejki tam šałandy na 5-30 čałaviek. Heta vielizarnyja vajennyja karabli, jakija my adpravili tudy, kudy adpravili 13 krasavika 22-ha hoda znakamity fłahman Čarnamorskaha fłotu «Maskva», — zaznačyŭ Alaksiej Daniłaŭ.
I toje, što adbyłosia siońnia (26 śniežnia — red.) nočču — jarkaje paćvierdžańnie, što našy vajskoŭcy majuć razumieńnie pytańnia Kryma. I dla nas jon źjaŭlajecca vielmi važnym, jak i astatnija našy terytoryi».
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary