Školnik, jakoha niadaŭna padstavili z «salihorskaj hulnioj», sam zatrymany. Jon za kapiejki zajmaŭsia padmannymi miniravańniami abjektaŭ
Ahułam nibyta «zaminiravaŭ» pad sorak abjektaŭ, zarabiŭ paru socień jeŭra. Zatrymali i jahonaha siabra, jaki zajmaŭsia tym ža samym.
Učora MUS apublikavała reliz pra zatrymańnie padletka, jaki zajmaŭsia padmannymi miniravańniami. My vyśvietlili, što heta toj ža samy 15-hadovy školnik, suprać jakoha zamovili t.zv. svatynh z «Salihorskaj hulnioj».
Zhodna z pres-relizam MUS, jon ździejśniŭ nie mienš za 27 zvankoŭ z paviedamleńniami pra padmannaje miniravańnie i napisaŭ nie mienš za 10 listoŭ u roznyja arhanizacyi. Achviarami stali arhanizacyi ŭ Rasii, Ukrainie, Kazachstanie i Azierbajdžanie.
Za kožnaje padmannaje miniravańnie chłopiec braŭ 600 rasijskich rubloŭ — heta kala šaści jeŭra. Z ulikam roźnicy kursaŭ ahułam chłopiec moh zarabić da 300 jeŭra.
My zrazumieli, što havorka idzie pra taho ž chłopca, jakoha «svatnuli» na dniach, bo ŭ jaho padobny hołas (jon publikavaŭ hałasavyja ŭ adkrytym čacie) i jon sapraŭdy žyvie ŭ Frunzienskim rajonie Minska.
U tematyčnaj hrupie, u jakoj byŭ Illa «Miefi», užo abmierkavali, što jon zatrymany. Taksama ŭ hrupie, dzie jon pradavaŭ roznyja pasłuhi, sapraŭdy prapanavalisia takija opcyi (ich časta nazyvajuć «evakuacyjaj»).
Siarod školnikaŭ apošnim časam raście papularnaść svatynhu, to-bok padmannaha vykliku siłavikoŭ praz uvod ich u zman jak mietadu šantažu abo ataki na niadobrazyčliŭcaŭ. MUS śćviardžaje, što siarod zatrymanych iłžeminioraŭ u hetym hodzie bolšaść byli školnikami.
Takaja pasłuha ŭ telehram-čatach kaštuje ad 5 da 10 jeŭra ŭ zaležnaści ad składanaści pasłuhi i žadańnia vykanalnikaŭ.
«Naša Niva» — bastyjon biełaruščyny
PADTRYMAĆAryštavany dyrektar Pałaca Respubliki, adzin z arhanizataraŭ Marafona adzinstva9
Kamientary