Jakaja kraina ŭ ES samaja niaščasnaja, a jakaja — najbolš ščaślivaja
Jeŭrastat zamieraŭ uzrovień zadavolenaści jakaściu žyćcia ŭ roznych krainach Jeŭrapiejskaha sajuza.
Hety rejtynh składaŭsia na padstavie subjektyŭnych acenak apytanych.
U 2022 hodzie jeŭrapiejcy acanili svaju zadavolenaść žyćciom u siarednim na 7,1 bała pa 10-balnaj škale. Samyja vysoki rejtynh byŭ u Aŭstryi (7,9). Za joj — Finlandyja, Polšča i Rumynija (pa 7,7).
Samy nizki — u Bałharyi (5,6). U nizie rejtynhu pa zadavolenaści jakaściu žyćcia taksama Hiermanija (6,5) i Hrecyja (6,7).
U susiednich Litvie i Łatvii zadavolenaść žyćciom acanili ŭ 7,1 i 6,8 bała adpaviedna.
Na zadavolenaść žyćciom mohuć upłyvać mnohija faktary, takija, jak uzrost, uzrovień adukacyi, siamiejnaje i finansavaje stanovišča.
Tak, maładyja ludzi ŭ ES byli bolš zadavolenyja svaim žyćciom, čym pažyłyja. Zadavolenaść žyćciom pavyšałasia z pavyšeńniem ŭzroŭniu adukacyi.
Chto bolš zadavoleny — žychary haradoŭ ci viosak? Zaležyć ad krainy. Na Malcie, u Aŭstryi, Finlandyi, Niderłandach, Bielhii, Irłandyi, Šviecyi, Danii i Luksiemburhu žychary sielskaj miascovaści zajavili, što jany krychu bolš ščaślivyja (jak minimum na 0,2 bała). U Bałharyi, Rumynii, Litvie, Słavakii, Partuhalii, Vienhryi, Charvatyi, na Kipry, u Hiermanii i Słavienii žychary haradoŭ paviedamili pra bolš vysoki ŭzrovień zadavolenaści žyćciom.
Jak doŭha treba źbirać na kvateru ŭ nas i ŭ inšych krainach Jeŭropy — Biełaruś na adnym uzroŭni z Polščaj
«Hałoŭnaje, čaho nam nie chapaje — jeŭrapiejskich haradoŭ». Rasijskija turapieratary raskazali, čamu rasijan vabić zachodniaja Biełaruś
Za apošnija try hady Jeŭropa pieražyła najhoršy z 1970-ch hadoŭ ekanamičny šok. Voś što čakajecca dalej
Kamientary