Hramadstva33

Fond spartovaj salidarnaści choča łabiravać źniaćcie sankcyj ź dziciača-junackaha sportu. Heta vyklikała sprečku

Staršynia Biełaruskaha fondu spartovaj salidarnaści Alaksandr Apiejkin apublikavaŭ post pra nieabchodnaść źniaćcia mižnarodnych abmiežavańniaŭ ź dziciača-junackaha sportu Biełarusi — heta pytańnie, pavodle jaho słoŭ, aktyŭna abmiarkoŭvajuć u fondzie. Apiejkin tłumačyć, čamu heta treba zrabić.

Fond spartovaj salidarnaści choča łabiravać źniaćcie sankcyj ź dziciača-junackaha sportu. Fota: fcmolodechno1949 / vk.com

Staršynia Biełaruskaha fondu spartovaj salidarnaści piša, što paśla ŭvarvańnia rasijskich vojsk va Ukrainu z terytoryi Biełarusi pad sankcyi MAK i mižnarodnych fiederacyj patrapili nie tolki darosłyja zbornyja i kamandy našaj krainy, ale i dziciača-junackija. Amal uvieś dziciačy sport byŭ adchileny ad mižnarodnych spabornictvaŭ. Kali z darosłymi zbornymi i kłubami ŭsio zrazumieła, to ź dziciačym i junackim sportam situacyja vyhladaje bolš supiarečliva, miarkuje Apiejkin.

«Aproč padzieńnia ŭzroŭniu padrychtoŭki i spartovaha majsterstva maładych biełaruskich spartoŭcaŭ, my jašče majem surjozny viektar na rusifikacyju, bo dzieci jeździać zaraz na spabornictvy nie ŭ Polšču, Litvu, Hiermaniju ci Daniju, a ŭ Rastoŭ, Maskvu, Varoniež i Jekaciarynburh. Heta vielmi kiepskaja tendencyja, bo na vychadzie praz paru hadoŭ my jak hramadstva atrymajem małaprafiesijny, aryjentavany na ruski śviet nacyjanalny sport. Naŭrad ci heta ŭ našych intaresach», — davodzić Apiejkin.

Jon piša, što važna, kab biełaruskaja spartovaja śfiera była intehravana ŭ jeŭrapiejskuju prastoru, a nie rasijskuju ci azijackuju.

«Hetaje pytańnie maje jak cyvilizacyjnaje, tak i praktyčnaje vymiareńnie, bo ŭzrovień spabornictvaŭ u zachodnich krainach značna bolš vysoki, što nadaje šturšok dla raźvićcia», — miarkuje jon.

Pavodle Apiejkina, razmova idzie pra vystupy i ŭdzieły ŭ mižnarodnych spabornictvach pad niejtralnym ściaham bieź dziaržaŭnych simvałaŭ. Zachady pa skasavańni mižnarodnych abmiežavańniaŭ pavinny datyčycca dziaciej i padletkaŭ da 18 hadoŭ, a ŭ niekatorych vidach sportu da 16 hadoŭ u zaležnaści ad śpiecyfiki.

Pierad tym jak płanavać peŭnyja zachady (zvaroty da MAK i mižnarodnych fiederacyj) Apiejkin źbiraje mierkavańni i prapanovy na hety kont.

U kamientarach da pasta Apiejkina ŭ fejsbuku karystalniki źviarnuli ŭvahu, što takaja inicyjatyvy pavinny być instrumientam handlu z režymam. Naprykład, treba ŭzamien patrabavać vyzvalić niepaŭnaletnich palitviaźniaŭ ci adpuścić źniavolenych maci da dziaciej.

«Ja b naohuł temu sportu našmat bolš aktyŭna vykarystoŭvała ŭ pytańni palitviaźniaŭ», — napisała jurystka Kaciaryna Dejkała.­­

Kamientary3

  • Mamkina pierahavorščyca
    27.11.2023
    Zdajecca, ad takich handlaroŭ łukašenka jašče bolš zadryžeŭ...
  • Janka
    27.11.2023
    1.Jak Apiejkin bačyć spabornictva miž ukrainskimi i biełaruskimi junakami? Tym bolš, što supravadžać ich buduć treniery i funkcyjaniery ź mientalitetam i pohladami kštałtu Bazanava albo byłoha treniera Cimanoŭskaj.
    2.U demakratyčnaj krainie prafiesijny sport - heta biznes, u dyktatury - instrumient prapahandy. Dziaržavu pavinnyja turbavać masavaja fizkultura i zdarovy ład žyćcia. Mianie jak padatkapłatniku bolš cikavaja była b adsutnaść ałkanaŭtaŭ na rajonie, čym miedali prafiesijnaj sbornaj pa handbołu. A vyroščvańnie budučych čempijonaŭ i rekardsmienaŭ z balučym vykidańniem pad čas hetaha pracesa niepierśpiektyŭnych junakoŭ - heta musić być pradmietam pryvatnaha inviestavańnia.
  • Miko
    28.11.2023
    Małajcy! Całkam padtrymlivaju ideju.

Ciapier čytajuć

Finał Lihi čempijonaŭ skončyŭsia ź likam 5:0. Takoha razhromu nie było nikoli ŭ historyi

Finał Lihi čempijonaŭ skončyŭsia ź likam 5:0. Takoha razhromu nie było nikoli ŭ historyi

Usie naviny →
Usie naviny

U DTZ u Ivacevickim rajonie zahinuli dva čałavieki

Hałoŭčanka patłumačyŭ situacyju z dalarami ŭ Biełarusi3

Navukoŭcy zrazumieli, čamu našy viaskovyja babuli žyli daŭžej8

Minčuk chacieŭ pravučyć «chama» ŭ tramvai, ale čamuści ŭdaryŭ kalenam u nos školnicu2

U Mahilovie pradajuć 10 ton bulby ŭsiaho pa 60 kapiejek za kiło. Što ź joj nie tak?4

U Biełym domie ŭračysta praviali ź dziaržaŭnaj słužby Iłana Maska. Tramp padaryŭ jamu załaty kluč11

Tramp zajaviŭ, što rasčaravany i šakavany dziejańniami Rasii1

Akademikam Rasijskaj akademii navuk abrali «kravasisiu» časoŭ Janukoviča 5

«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič7

bolš čytanych navin
bolš łajkanych navin

Finał Lihi čempijonaŭ skončyŭsia ź likam 5:0. Takoha razhromu nie było nikoli ŭ historyi

Finał Lihi čempijonaŭ skončyŭsia ź likam 5:0. Takoha razhromu nie było nikoli ŭ historyi

Hałoŭnaje
Usie naviny →

Zaŭvaha:

 

 

 

 

Zakryć Paviedamić