MUS Ukrainy pra mužčynu, jaki padaryŭ hranaty pamočniku Załužnaha: papiaredžvaŭ, što bajavyja. Zaviedziena kryminalnaja sprava za naŭmysnaje zabojstva
Mužčyna, jaki padaryŭ hranaty zahinułamu pamočniku hałoŭnakamandujučaha USU Valeryja Załužnaha majoru Hienadziu Čaściakovu, raspavioŭ śledstvu, što papiaredžvaŭ pra bajazdolnaść hranat. Śpiecprakuraturaj zaviedzienaja kryminalnaja sprava pa artykule za naŭmysnaje zabojstva.
«Čałaviek, jaki vierahodna prynios hetyja padarunki, pryznaŭsia. Jon papiaredziŭ, što hranaty bajavyja. Vierahodna, zahinuły nie pavieryŭ u hetuju infarmacyju», raspaviała śpikier MUS Ukrainy Marjana Reva ŭ efiry «Radyjo Svaboda».
Proźvišča mužčyny, jaki padaryŭ Čaściakovu hranaty, nie nazyvajecca. U jahonym kabiniecie 6 listapada praviali pieratrus.
Jak paviedamiła śpikier MUS, fakty havorać pra toje, što kali Čaściakoŭ trymaŭ hranatu ŭ rukach, jon, vierahodna, nie vieryŭ, što jana bajavaja.
Śpiecprakuratura paviedamiła pra pačatak rasśledavańnia pa fakcie trahiedyi. Pavodle śledstva, 6 listapada zahinuły śviatkavaŭ svoj dzień naradžeńnia. Jon viarnuŭsia dadomu z padarunkami ad kaleh, siarod jakich była skrynka, u jakoj siarod inšaha znachodziłasia 6 hranat zachodniaha ŭzoru.
Adnu z hranat uziaŭ u ruki syn vajskoŭca. Zabirajučy ŭ dziciaci hranatu, aficer vyrvaŭ kalco, adbyŭsia vybuch.
39-hadovy major USU zahinuŭ na miescy. Jaho 13-hadovy syn špitalizavany ź ciažkimi ranieńniami, 11-hadovaja dačka atrymała niaznačnyja cialesnyja paškodžańni.
Na miescy zdareńnia pravaachoŭniki kanfiskavali jašče 5 takich hranat.
Padčas praviadzieńnia nieadkładnaha pieratrusu ŭ vajskoŭca, jaki zrabiŭ hety niebiaśpiečny padarunak, byli kanfiskavanyja 2 anałahičnyja bojeprypasy.
Zaviedzienaja kryminalnaja sprava pa prykmietach złačynstvaŭ, praduhledžanych č. 1 art 115 («Naŭmysnaje zabojstva») i č. 1 art. 263 KK Ukrainy («Niezakonnaje abychodžańnie sa zbrojaj, bojeprypasami abo vybuchovymi rečyvami»).
Učora ŭ svaim domie pad Kijevam zahinuŭ pamočnik hałoŭnakamandujučaha Valeryja Załužnaha Hienadź Čaściakoŭ.
Pieršapačatkova byli paviedamleńni, što trahiedyja adbyłasia ŭ vyniku nieaściarožnaha abychodžańnia z bojeprypasam, ale potym pajšła infarmacyja, što heta była dyviersija — hranatu dasłali ŭ padarunkach. Potym viersija znoŭ pamianiałasia.
-
Zasnavalnik kampanii Asos vypaŭ z 17‑ha paviercha ŭ Tajłandzie
-
Rasijskim vajskoŭcam zabaraniajuć karystacca dziaržaŭnym miesiendžaram Max, jaki naviazvajuć astatniamu hramadstvu
-
Šeść krain uklučna z Ukrainaj zapuściać vytvorčaść dronaŭ-pierachopnikaŭ, jakija stvorać na miažy z Rasijaj i Biełaruśsiu pavietrany mur
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary