МУС Украіны пра мужчыну, які падарыў гранаты памочніку Залужнага: папярэджваў, што баявыя. Заведзена крымінальная справа за наўмыснае забойства
Мужчына, які падарыў гранаты загінуламу памочніку галоўнакамандуючага УСУ Валерыя Залужнага маёру Генадзю Часцякову, распавёў следству, што папярэджваў пра баяздольнасць гранат. Спецпракуратурай заведзеная крымінальная справа па артыкуле за наўмыснае забойства.
«Чалавек, які верагодна прынёс гэтыя падарункі, прызнаўся. Ён папярэдзіў, што гранаты баявыя. Верагодна, загінулы не паверыў у гэтую інфармацыю», распавяла спікер МУС Украіны Марʼяна Рэва ў эфіры «Радыё Свабода».
Прозвішча мужчыны, які падарыў Часцякову гранаты, не называецца. У ягоным кабінеце 6 лістапада правялі ператрус.
Як паведаміла спікер МУС, факты гавораць пра тое, што калі Часцякоў трымаў гранату ў руках, ён, верагодна, не верыў, што яна баявая.
Спецпракуратура паведаміла пра пачатак расследавання па факце трагедыі. Паводле следства, 6 лістапада загінулы святкаваў свой дзень нараджэння. Ён вярнуўся дадому з падарункамі ад калег, сярод якіх была скрынка, у якой сярод іншага знаходзілася 6 гранат заходняга ўзору.
Адну з гранат узяў у рукі сын вайскоўца. Забіраючы ў дзіцяці гранату, афіцэр вырваў кальцо, адбыўся выбух.
39-гадовы маёр УСУ загінуў на месцы. Яго 13-гадовы сын шпіталізаваны з цяжкімі раненнямі, 11-гадовая дачка атрымала нязначныя цялесныя пашкоджанні.
На месцы здарэння праваахоўнікі канфіскавалі яшчэ 5 такіх гранат.
Падчас правядзення неадкладнага ператрусу ў вайскоўца, які зрабіў гэты небяспечны падарунак, былі канфіскаваныя 2 аналагічныя боепрыпасы.
Заведзеная крымінальная справа па прыкметах злачынстваў, прадугледжаных ч. 1 арт 115 («Наўмыснае забойства») і ч. 1 арт. 263 КК Украіны («Незаконнае абыходжанне са зброяй, боепрыпасамі або выбуховымі рэчывамі»).
Учора ў сваім доме пад Кіевам загінуў памочнік галоўнакамандуючага Валерыя Залужнага Генадзь Часцякоў.
Першапачаткова былі паведамленні, што трагедыя адбылася ў выніку неасцярожнага абыходжання з боепрыпасам, але потым пайшла інфармацыя, што гэта была дыверсія — гранату даслалі ў падарунках. Потым версія зноў памянялася.
-
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс
-
Злучаныя Штаты могуць скараціць колькасць сваіх войскаў у Еўропе на 30%
-
Настаяцель манастыра Шаалінь трапіў пад следства па падазрэнні ў растратах і амаральным ладзе жыцця
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос14
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4949
Каментары