MUS Ukrainy apublikavała aficyjnuju viersiju hibieli pamočnika Załužnaha
Kiraŭnik MUS Ihar Klimienka ŭ telehram-kanale napisaŭ, što trahiedyja ŭ Čajkach, dzie ŭ svaim domie zahinuŭ pamočnik hałoŭnakamandujučaha Ukrainy, pačynaje abrastać roznaj infarmacyjaj z «krynic», tamu jon vystupaje z aficyjnym paviedamleńniem.
Pavodle Klimienki, siońnia ŭ zahinułaha majora Čaściakova byŭ dzień naradžeńnia. Dadomu jon viarnuŭsia z pracy z padarunkami ad kaleh, i pačaŭ pakazvać rečy svajakam.
Dastaŭ padarunkavuju skrynku z hranatami ŭnutry i staŭ demanstravać adzin z bojeprypasaŭ synu. Heta byli hranaty novaha zachodniaha ŭzoru.
Spačatku ŭ ruki bojeprypas uziaŭ syn i pačaŭ krucić kalco. Zatym vajskoviec zabraŭ hranatu ŭ dziciaci i vyrvaŭ kalco, paśla čaho adbyŭsia vybuch.
U kvatery palicyja vyjaviła jašče 5 takich nierazarvanych hranat. Ich adpraviać na ekśpiertyzu, piša Klimienka.
Palicyjanty znajšli kalehu, jaki zrabiŭ hety padarunak. U jaho kabiniecie praviali pieratrus i kanfiskavali jašče 2 anałahičnyja hranaty.
Nahadvajem, učora ŭ svaim domie pad Kijevam zahinuŭ pamočnik hałoŭnakamandujučaha Valeryja Załužnaha Hienadź Čaściakoŭ.
Pieršapačatkova byli paviedamleńni, što trahiedyja adbyłasia ŭ vyniku nieaściarožnaha abychodžańnia z bojeprypasam, ale potym pajšła infarmacyja, što heta była dyviersija — u padarunkach dasłali hranatu. Valeryj Załužny paćvierdziŭ śmierć svajho pamočnika.
«Nievymoŭny bol i ciažkaja strata dla Uzbrojenych sił Ukrainy i dla mianie asabista. Siońnia pry trahičnych abstavinach u svoj dzień naradžeńnia ŭ kole siamji zahinuŭ moj pamočnik i blizki siabar, major Hienadź Čaściakoŭ.
U adnym z padarunkaŭ spracavała nieviadomaje vybuchovaje prystasavańnie. U Hienadzia zastalisia žonka i čaćviora dziaciej. Maje hłybokija spačuvańni siamji…» — napisaŭ Załužny.
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»24
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary