Na fiestyvali Pradmova ŭručyli premii imia Alesia Adamoviča i Franciška Bahuševiča
U niadzielu na fiestyvali intelektualnaj knihi Pradmova ŭ Biełastoku byli abvieščany imiony łaŭreataŭ dźviuch premij Biełaruskaha PENa — premii imia Alesia Adamoviča, jakaja vyłučaje aŭtaraŭ i aŭtarak najlepšych publicystyčnych tvoraŭ, pryśviečanych aktualnym prablemam sučasnaści, i premii imia Franciška Bahuševiča, jakaja tradycyjna ŭručajecca za vydatnuju histaryčnuju prozu, paviedamlaje Reform.by.
Tak, pieramožcaj premii imia Alesia Adamoviča stała Hanna Kandraciuk za knihu «U pryścienku staroha lesu. Historyi ludziej ź Biełaviežskaj puščy». Žury sfarmulavała admietnaść tvoru aŭtarki tydniovika biełarusaŭ Polščy «Niva» nastupny čynam — «za aktualizacyju tradycyj jeŭrapiejskaha repartažu». «U pryścienku staroha lesu» — heta zbornik repartažaŭ, jakija Hanna Kandraciuk piša pa Biełastoččynie z 1990-ch hadoŭ. Pavodle žurnalistki, kniha — heta padarožža praz čas i prastoru.
Hetaksama premijaj imia Alesia Adamoviča była hanaravana kniha turemnych apaviadańniaŭ Maksima Znaka «Zekamieron», jakuju biełaruski juryst napisaŭ u źniavoleńni. «Za čałaviečuju hodnaść, svabodu dumki i tvorčaści ŭ niečałaviečych umovach» — tak hučała abhruntavańnie žury vyłučyć tvor.
Pieramožcaj ža premii imia Franciška Bahuševiča była nazvanaja historyk i daśledčyca Taćciana Astroŭskaja.
Sioleta manahrafija aŭtarki «Kultura i supraciŭ. Intelihiencyja, inšadumstva i samvyd u Savieckaj Biełarusi (1968—1988)» była taksama adznačanaja premijaj Mižnarodnaha kanhresa daśledčykaŭ Biełarusi za najlepšyja navukovyja publikacyi. Daśledavańnie Taćciany Astroŭskaj pryśviečana kulturnickamu zmahańniu z aŭtarytaryzmam u 1960-ja — 1980-ja hady.
Premija imia Franciška Bahuševiča — štohadovaja litaraturnaja premija, zasnavanaja ŭ 1994 hodzie. Jana tradycyjna ŭručajecca za vydatnuju histaryčnuju prozu aŭtaram i aŭtarkam knih, što spryjajuć abudžeńniu histaryčnaj śviadomaści i nacyjanalnaj niezaležnaści čytačoŭ.
-
Restaŭratary adnaŭlajuć znakamity žyrovicki ikanastas. Ale ŭ histaryčnym kolery ŭ manastyry jaho naŭrad ci pabačać
-
Pabialili ŭsio, da čaho zmahli daciahnucca. U kaściole ŭ Župranach, dzie pachavany Bahuševič, zrabili jeŭraramont
-
Minkult pazbaviŭ statusu pomnika architektury zharełuju carkvu ŭ Ściapankach. Kab nie adnaŭlać?
Ciapier čytajuć
Ci zakryjuć Jeŭropu dla biełarusaŭ? Daradca Cichanoŭskaj raspavioŭ, pra što damoviŭsia ŭ Bierlinie5
Kamientary