Staruju vulicu možna ŭbačyć kala «šahałaŭskaj» sinahohi. U Viciebsku źjaviŭsia novy stryt-art FOTAFAKT
Čorna-bieły malunak źjaviŭsia na ścianie budynka kala niadaŭna adnoŭlenaj Vialikaj Lubavickaj sinahohi ŭ Viciebsku. Jość viersija, što mienavita hetuju sinahohu naviedvała siamja Marka Šahała, bo jana była najbližejšaj ad doma baćkoŭ mastaka.
Ciapier u domie mieścicca Muziej Marka Šahała. Hadoŭ 15 tamu hučali prapanovy, kab zrabić ceły «šahałaŭski kvartał», uznaviŭšy histaryčnuju zabudovu. Ale ŭvasableńniu ambitnaj idei pieraškodziła adsutnaść srodkaŭ. Ciapier viciebskuju vulicu tak, jak jana vyhladała ŭ kancy XIX — pačatku XX stahodździa, možna ŭbačyć na malunku Juryja Duboŭskaha.
Pavodle mastaka, prapanova razmalavać hłuchuju ścianu susiedniaha budynka pastupiła jamu padčas adkryćcia sinahohi. Nad malunkam jon pracavaŭ 6 dzion.
Fota: vitebsk.biz
Heta nie pieršy abjekt stryt-artu, jaki Juryj Duboŭski (viadomy pad psieŭdanimam Bieły słon) stvaryŭ u Viciebsku. Samyja viadomyja ź ich — «Bietchovien» na budynku viciebskaj fiłarmonii, «Bubble-fish» na ścianie padstancyi na vulicy Suvorava, taksama mastak raśpisaŭ cytatami ź vieršaŭ i listoŭ Marka Šahała žyłyja damy na vulicy, jakaja nosić imia mastaka.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič66
Kamientary