Polšča nie adnović pasažyrskich čyhunačnych znosin ź Biełaruśsiu jak minimum da śniežnia 2024 hoda
Pavodle infarmacyi polskaha resursa Rynek Kolejowy, ciapier viadziecca praca nad hrafikam ruchu na budučy hod, jaki ŭstupić u siłu ŭ siaredzinie śniežnia 2023 hoda. Navat kali ŭjavić, što da taho času MUS Polščy skasuje zabaronu na mižnarodnyja čyhunačnyja pieravozki praź Ciarespal i Kuźnicu, to hrafik, jaki zaćviardžajecca ciapier, usio adno nie budzie ŭklučać hetych maršrutaŭ, piša Most.
Ministerstva infrastruktury Polščy ŭžo zajaviła, što adnaŭlać hetyja maršruty nie płanujecca. Bolš za toje, pavodle infarmacyi MUS Polščy, kraina moža pry nieabchodnaści nieŭzabavie spynić i hruzavyja čuhanyčnyja znosiny ź Biełaruśsiu.
Pasažyrskija čyhunačnyja znosiny pamiž Biełaruśsiu i Polščaj byli prypynienyja ŭ 2020 hodzie ŭ suviazi z pačatkam pandemii karanavirusa. Paśla taho ŭžo z palityčnych abstavin hetyja znosiny nie byli adnoŭlenyja i paśla palapšeńnia epidemičnaj situacyi.
Polšča ŭzmocnić miažu ź Biełaruśsiu 10 tysiačami vajskoŭcami
«Kitaj pavinien pasłać Łukašenku adpaviedny sihnał». U Polščy dapuskajuć zakryćcio čyhunačnych pierachodaŭ ź Biełaruśsiu
«Kultyvujučy biełaruskuju identyčnaść, vy pakazvajecie, što źjaŭlajeciesia častkaj jeŭrapiejskaj siamji». Ministr zamiežnych spraŭ Polščy źviarnuŭsia da biełarusaŭ-uciekačoŭ
Kamientary