«Kitaj pavinien pasłać Łukašenku adpaviedny sihnał». U Polščy dapuskajuć zakryćcio čyhunačnych pierachodaŭ ź Biełaruśsiu
Polšča hatovaja pry nieabchodnaści zakryć i čyhunačnyja pierachody ź Biełaruśsiu. Pra heta Polskamu pres-ahienctvu (RAR) zajaviŭ namieśnik ministra ŭnutranych spraŭ i administracyi Polščy Maciej Vonsik.
Pavodle słoŭ čynoŭnika, Polšča i Litva ŭžo ŭzhadnili miechanizm pryniaćcia rašeńnia ab zakryćci aŭtamabilnych pierachodaŭ. Da jaho pavinna dałučycca i Łatvija. Ale taksama Vonsik vykazaŭ hatoŭnaść abmiežavać ruch i praz čyhunačnyja pierachody. Na jaho dumku, heta padstava dla Kitaja padać vyrazny sihnał biełaruskim uładam.
«My razumiejem, što bolšaja častka handlu, u tym liku polskaha, idzie praź ich. Kitajski handal taksama idzie. Dumaju, što Kitaj pavinien pasłać Łukašenku adpaviedny sihnał, kab nie rabiŭ dziejańniaŭ, ad jakich jany paciarpiać», — skazaŭ namieśnik ministra.
Vonsik adznačyŭ, što, pavodle danych polskaha boku, u Biełarusi znachodziacca ad 3,5 da 5 tys. bajevikoŭ PVK «Vahnier». Na jaho dumku, choć jany i niebiaśpiečnyja, ale heta nie toje padraździaleńnie, jakoje ŭvojdzie ŭ Polšču i pačnie vajnu, ale ich mohuć vykarystoŭvać dla hibrydnych dziejańniaŭ, pravakacyj na miažy z ahniastrelnaj zbrojaj, uzmacnieńnia mihracyjnaha cisku i h. d.
Taksama čynoŭnik paviedamiŭ, što na ŭzmacnieńnie pamiežnaj achovy buduć nakiravanyja jašče 2 tysiačy polskich vajskoŭcaŭ, a nie tysiača, jak mierkavałasia raniej.
Čyhunačnyja pasažyrskija pieravozki pamiž Biełaruśsiu i Polščaj adsutničajuć jašče z 2020 hoda, zachoŭvajecca tolki hruzavoje spałučeńnie.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra3
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary