Łatvija ŭvodzić uzmocnieny režym achovy miažy ŭ Daŭhaŭpiłsie i troch rajonach na miažy ź Biełaruśsiu — Łudzienskim, Krasłaŭskim i Aŭhšdaŭhaŭskim. Jon budzie dziejničać pakul paŭhoda — z 11 žniŭnia 2023-ha da 10 lutaha 2024 hoda. Rašeńnie było pryniata Kabinietam ministraŭ Łatvii siońnia, paviedamlaje pres-słužba łatvijskaha ŭrada.
Rašeńnie było pryniata dla «zabieśpiačeńnia niedatykalnaści dziaržaŭnaj miažy i praduchileńnia dziaržaŭnaj pahrozy, bieručy pad uvahu niepamierna vialikuju kolkaść vypadkaŭ niezakonnaha pierasiačeńnia łatvijska-biełaruskaj miažy, sprobaŭ pierasiačeńnia miažy i narastańnie hetaj tendencyi».
Ciapier pamiežnaja słužba maje ŭzmacnić kantrol na łatvijska-biełaruskaj miažy, a Uzbrojenyja siły i palicyja musiać akazvać nieabchodnuju padtrymku pamiežnikam.
Pamiežniki i palicyja atrymali prava pranikać u žyłyja i niežyłyja pamiaškańni i na ziamielnyja ŭčastki z metaj vyjaŭleńnia miescaŭ, dzie chavajucca asoby, jakija niezakonna pierasiekli miažu, ci praduchilić pahrozu žyćciu ludziej.
Urad Łatvii adznačaje, što z 11 žniŭnia 2021 hoda bolš za 14 tysiačam čałaviek (ź ich amal 5,5 tysiačy čałaviek u hetym hodzie) nie ŭdałosia pierajści miažu pa-za punktami propusku. Z pačatku hetaha hoda Łatvija pryniała 282 čałavieki pa humanitarnych pryčynach.
Litva i Polšča zajavili pra ŭzmacnieńnie achovy miažy jašče raniej.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»23
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary