Litva pierakinie na miažu ź Biełaruśsiu dadatkovuju kolkaść vajskoŭcaŭ
Kiraŭnik Dziaržaŭnaj pamiežnaj słužby Litvy Rustam Lubajeŭ kaža, što situacyja na miažy krainy ź Biełaruśsiu i Rasijaj napružanaja, ale stabilnaja. Adnak, pa jahonych słovach, imaviernaść pravakacyj z boku vahnieraŭcaŭ zastajecca vysokaj. Tamu na miažu ź Biełaruśsiu pierakinuć jašče bolš vajskoŭcaŭ, piša Delfi.lt.
Pakul zachady biaśpieki, jakija prymianiajucca ciapier na miažy ź Biełaruśsiu, adekvatnyja, ale pamiežnaja słužba hatovaja ŭ karotkija terminy razharnuć dadatkovyja siły.
«My razam ź Ministerstvam unutranych spraŭ ciapier razhladajem mahčymaść pavieličeńnia našych mahutnaściaŭ na miažy ź Biełaruśsiu. (…) Byli pryniaty adpaviednyja rašeńni. My płanujem u najbližejšy čas pavialičyć naš kantynhient na miažy ź Biełaruśsiu», — paviedamiŭ jon.
Adnak kolki jašče pamiežnikaŭ budzie pierakinuta na biełaruskuju miažu, nie nazvaŭ.
Taksama Polšča pavialičvaje kolkaść vajskoŭcaŭ na hranicy ź Biełaruśsiu da troch tysiač čałaviek.
Ciapier na miažy ź Biełaruśsiu niasuć słužbu dźvie tysiačy čałaviek, ich kolkaść budzie pavialičana jašče na tysiaču čałaviek.
«U suviazi z dynamičnaj situacyjaj na polska-biełaruskaj miažy i prośbaj kiraŭnika pahraničnaj achovy ab pavieličeńni ŭdziełu armii ŭ abaronie hranicy ministr nacyjanalnaj abarony rasparadziŭsia vykanać prośbu i vydzielić dadatkovych sałdat dla patrulavańnia polska-biełaruskaj miažy», — havorycca ŭ zajavie Minabarony krainy.
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary