MZS Polščy pra zakryćcio miažy ź Biełaruśsiu: Razhladajem lubyja kroki. Vahnieraŭcy sprabavali praniknuć u Polšču
Pakul zakryćcio miažy ź Biełaruśsiu źjaŭlajecca krajniaj mieraj.
Polšča razhladaje lubyja kroki dla svajoj abarony na fonie paharšeńnia situacyi biaśpieki praz prysutnaść najmitaŭ hrupy Vahniera ŭ Biełarusi, ale zakryćcio miažy źjaŭlajecca krajniaj mieraj. Pra heta ŭ intervju CNN zajaviŭ namieśnik ministra zamiežnych spraŭ Polščy Pavieł Jabłonski, paviedamlaje «Jeŭrapiejskaja praŭda».
Jon adznačyŭ, što Polšča chacieła b paźbiehnuć rašeńnia ab poŭnym zakryćci miažy ź Biełaruśsiu.
«My razhladajem lubyja kroki dla abarony našaj terytoryi, abarony našych hramadzian, uklučajučy poŭnuju izalacyju Biełarusi, uklučajučy poŭnaje zakryćcio miažy», — skazaŭ Jabłonski.
Namieśnik kiraŭnika MZS dadaŭ, što zakryćcio miažy źjaŭlajecca krajniaj mieraj, ale ŭ vypadku napadaŭ na Polšču i sprobaŭ destabilizavać situacyju ŭ krainie «ŭ nas moža nie zastacca inšaha vyjścia».
Jon padkreśliŭ, što pahroza z boku Biełarusi «źjaŭlajecca vielmi realnaj», pakolki «vahnieraŭcy» ažyćciaŭlali sproby praniknuć na polskuju terytoryju.
«My vielmi vyrazna zajaŭlajem, što my nie adstupim… my čakajem bolš sprobaŭ napadaŭ na našu miažu, mahčyma, bolš sprobaŭ parušeńnia našaj pavietranaj prastory», — skazaŭ Jabłonski.
Jon raspavioŭ, što Polšča razhortvaje ŭsio bolš vojskaŭ pablizu biełaruskaj miažy, adnak nie ŭdakładniŭ ich kolkaści.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ66
Kamientary