«Praviarajuć reakcyju Polščy i sajuźnikaŭ». Maraviecki acaniŭ kolkaść vahnieraŭcaŭ u Biełarusi
U Biełarusi čatyry tysiačy ci navat bolš najmitaŭ rasijskaj pryvatnaj vajskovaj kampanii «Vahnier», — skazaŭ premjer-ministr Polščy Matevuš Maraviecki, jak paviedamlaje Delfi.lt.
I heta, na jahonuju dumku, realnaja pahroza ŭschodniamu fłanhu NATO. Prezident Litvy Hitanas Naŭsieda padčas sumiesnaj pres-kanfierencyi, što prajšła na polskaj Suvalščynie, zajaviŭ, što ŭ Biełarusi płanujecca raźmiaścić da 10 tysiač čałaviek. Bajcy «Vahniera», ź jahonych słoŭ, ciapier tolki na paŭdarozie.
Maraviecki adznačyŭ, što rasijski režym, nakiravaŭšy vahnieraŭcaŭ u Biełaruś, praviaraje reakcyju Polščy i jaje sajuźnikaŭ.
«My vielmi surjozna adkazvajem na hetyja rasijskija i biełaruskija pravakacyi. My, akramia ŭsiaho inšaha, užo dali adkaz, kali pabudavali płot na biełaruska-polskaj miažy», — adznačyŭ premjer-ministr Polščy i nahadaŭ ab arhanizavanaj biełaruskim režymam hibrydnaj atacy, jakaja šturchaje ŭ krainu mihrantaŭ.
U atrady mihrantaŭ, pavodle acenki Maravieckaha, mohuć umiašacca łajalnyja biełaruskamu abo rasijskamu režymu asoby, jakija, uvajšoŭšy, naprykład, u Polšču, buduć zajmacca dyviersijami, sabatažam. A heta, jak kažuć, budzie mieć vielmi dramatyčnyja nastupstvy.
Kamientary