Polskaja Pamiežnaja słužba paprasiła Minabarony krainy adpravić na miažu ź Biełaruśsiu jašče tysiaču žaŭnieraŭ. Pra heta paviedamlaje telekanał Polsat sa spasyłkaj na namieśnika ministra ŭnutranych spraŭ krainy Macieja Vonsika.
Maciej Vonsik na pres-kanfierencyi 7 žniŭnia adznačyŭ, što na miažy narastaje ahresija suprać aficeraŭ polskaj Pamiežnaj słužby z boku mihrantaŭ, jakija sprabujuć niezakonna prarvacca ŭ Jeŭrasajuz z boku Biełarusi.
«Treba skazać, što ŭvieś hety praces, biez vyklučeńnia, arhanizavany biełaruskimi pamiežnikami… Źmianiajecca charaktar hetych parušeńniaŭ, usio bolš ahresii ŭ bok polskich žaŭnieraŭ, słužboŭcaŭ pamiežnaj achovy, palicyjantaŭ. Pastajanna laciać butelki, kamiani, haliny», — skazaŭ Vonsik.
Namieśnik ministra abvinavaciŭ biełaruski bok u paškodžańni pamiežnaha płota z vykarystańniem roznych instrumientaŭ. U vyniku adnaho z takich incydentaŭ miažu parušyli 93 mihranty, 88 ź jakich byli zatrymanyja.
Načalnik pamiežnaj achovy Polščy hienierał Tomaš Praha dadaŭ, što sioleta ŭžo zafiksavana 19 tysiač sprob parušeńnia miažy. Za ŭvieś 2022 hod ich było mienš za 16 tysiač.
Hienierał padkreśliŭ, što mihrantaŭ na miažu pryvoziać kožny dzień.
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika10
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary