Польская Памежная служба папрасіла Мінабароны краіны адправіць на мяжу з Беларуссю яшчэ тысячу жаўнераў. Пра гэта паведамляе тэлеканал Polsat са спасылкай на намесніка міністра ўнутраных спраў краіны Мацея Вонсіка.
Мацей Вонсік на прэс-канферэнцыі 7 жніўня адзначыў, што на мяжы нарастае агрэсія супраць афіцэраў польскай Памежнай службы з боку мігрантаў, якія спрабуюць незаконна прарвацца ў Еўрасаюз з боку Беларусі.
«Трэба сказаць, што ўвесь гэты працэс, без выключэння, арганізаваны беларускімі памежнікамі… Змяняецца характар гэтых парушэнняў, усё больш агрэсіі ў бок польскіх жаўнераў, службоўцаў памежнай аховы, паліцыянтаў. Пастаянна ляцяць бутэлькі, камяні, галіны», — сказаў Вонсік.
Намеснік міністра абвінаваціў беларускі бок у пашкоджанні памежнага плота з выкарыстаннем розных інструментаў. У выніку аднаго з такіх інцыдэнтаў мяжу парушылі 93 мігранты, 88 з якіх былі затрыманыя.
Начальнік памежнай аховы Польшчы генерал Томаш Прага дадаў, што сёлета ўжо зафіксавана 19 тысяч спроб парушэння мяжы. За ўвесь 2022 год іх было менш за 16 тысяч.
Генерал падкрэсліў, што мігрантаў на мяжу прывозяць кожны дзень.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары