Cichanoŭskaja zaklikała prezidenta Litvy nie ŭraŭnoŭvać abmiežavańni suprać biełarusaŭ i rasijan
Śviatłana Cichanoŭskaja praviała siońnia sustreču z prezidentam Litvy Hitanasam Naŭsiedam.
Demakratyčnaja lidarka Biełarusi adznačyła, što hetaje ŭnifikavańnie hraje na ruku prapahandzie, «demaralizuje biełarusaŭ, i abmiažoŭvaje pracu hramadzianskaj supolnaści».
Zamiest hetaha jana prapanavała pašyrać sankcyi suprać pamahatych režymu Alaksandra Łukašenki, paviedamiŭ «Pozirku» hałoŭny daradca palityka Franak Viačorka.
Baki taksama abmierkavali mahčymaje zakryćcio miežaŭ ź Biełaruśsiu i «nieabchodnaść zachavańnia humanitarnych kalidoraŭ na vypadak eskałacyi» situacyi.
Cichanoŭskaja vykazała padziaku za padtrymku demsupolnaści, za toje, što Litva «pryniała dziasiatki tysiač biełarusaŭ i sotni arhanizacyj, jakija byli vymušanyja vyjechać z krainy praz represii».
Jana adznačyła, što «razumieje ŭsie ryzyki, źviazanyja z mahčymaj ahienturnaj dziejnaściu hramadzian Biełarusi», ale «heta nie pavinna ŭdaryć pa biełarusach, jakija nie padtrymlivajuć režymu i Rasii, a takich absalutnaja bolšaść».
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary
vydvihaj svoju kandidaturu