«Kultyvujučy biełaruskuju identyčnaść, vy pakazvajecie, što źjaŭlajeciesia častkaj jeŭrapiejskaj siamji». Ministr zamiežnych spraŭ Polščy źviarnuŭsia da biełarusaŭ-uciekačoŭ
Ministr zamiežnych spraŭ Polščy Źbihnieŭ Raŭ źviarnuŭsia da biełarusaŭ u Polščy z nahody treciaj hadaviny falsifikavanych prezidenckich vybaraŭ.
«Sotni tysiač z vas pakinuli radzimu. Vy źbiehli ad represij i bieśpierśpiektyŭnaści. Dla balšyni hetaj maštabnaj emihracyi Polšča stała biaśpiečnym prystaniščam. U našaj krainie, vy možacie raźvivać svaje talenty i pradprymalnictva.
My viedajem, što mnohija z vas marać ab chutkim viartańni dadomu. Na žal, śpiral hvałtu nie spyniajecca. Vašy suajčyńniki ŭ krainie padviarhajucca biaźlitasnaj prapahandzie.
Adnak ja pierakanany, što ŭ budučyni volnaja kraina vas prymie, kab mieć mahčymaść poŭnaha i sapraŭdnaha roskvitu», — pryvodzić jaho słovy Polskaje radyjo.
Kiraŭnik MZS dadaŭ, što Polšča pavažaje imknieńnie biełaruskaha hramadstva zachoŭvać ułasnuju nacyjanalnuju identyčnaść.
«Kultyvujučy biełaruskuju identyčnaść, vy pakazvajecie, što źjaŭlajeciesia častkaj jeŭrapiejskaj siamji. Polšča padtrymlivaje vašy nacyjanalnyja nadziei i jeŭrapiejskija pamknieńni», — skazaŭ Źbihnieŭ Raŭ.
Čytajcie taksama:
Cimanoŭskaja jedzie na čempijanat śvietu pa lohkaj atletycy ad Polščy
Polšča choča adpravić na miažu ź Biełaruśsiu jašče tysiaču sałdat
Kamientary