Łukašenka zajaŭlaje, što kiravać jadziernaj zbrojaj budzie jon: «Nijakaha vahańnia nie budzie»
Alaksandr Łukašenka padčas pajezdki ŭ Minskuju vobłaść prakamientavaŭ mahčymaje raźmiaščeńnie jadziernaj zbroi na terytoryi Biełarusi.
U Łukašenki karespandenty spytali, navošta ŭ Biełarusi jadziernaja zbroja.
«Rasija ni da čoha nie imkniecca. Nie ŭ Rasii sprava», — adkazaŭ Łukašenka. Pavodle jaho, raźmiaščeńnie ŭ Biełarusi jadziernaj zbroi było jaho prośbaj i nastojlivym patrabavańniem da rasijskaha boku, kab harantavać biaśpieku Biełarusi.
«Navošta heta treba? Kab ni adna naha niejkich svałačej nie išła bolš na biełaruskuju ziamlu», — skazaŭ jon.
«I adkaz budzie nieadkładnym. Ja heta zahadzia havaryŭ užo niekalki razoŭ», — dadaŭ jon.
Padkreśliŭšy značnuju mahutnaść toj jadziernaj zbroi, jakaja budzie raźmieščana ŭ Biełarusi, Łukašenka zajaviŭ: «Ja dumaju, naŭrad ci kamuści zachočacca vajavać z krainaj, u jakoj jość takaja zbroja. Heta zbroja strymlivańnia».
Łukašenka kaža, što nijakaha vahańnia ŭ prymianieńni jadziernaj zbroi ŭ jaho nie budzie.
«Nie daj boh, mnie daviadziecca prymać rašeńnie na prymianieńnie hetaj zbroi ŭ naš čas. Ale nijakaha vahańnia nie budzie, kali tolki suprać nas budzie ahresija», — skazaŭ Łukašenka, nibyta heta jon budzie prymać rašeńnie pra jadzierny ŭdar.
Chacia 25 maja ministr abarony Rasii Siarhiej Šajhu pastaviŭ kropku ŭ hetym pytańni — jadziernaj zbrojaj budzie kiravać tolki Rasija.
Pavodle prezidenta Rasii Uładzimira Pucina, raźmiaščeńnie rasijskaj jadziernaj zbroi ŭ Biełarusi pačniecca paśla 7-8 lipienia, adrazu paśla padrychtoŭki zbudavańniaŭ dla jaje.
Toje, što biełarusy praz heta stanoviacca mišeńniu dla ŭdaraŭ, Łukašenka nijak nie zakranuŭ.
«Luby typ zbroi masavaha paražeńnia nie moža być abarončym»: deputatka Minharsavieta stvaryła pietycyju suprać raźmiaščeńnia jadziernaj zbroi
«Ludzi pryvykli žyć u kamforcie, cyvilizavana, pryhoža». Valfovič patłumačyŭ, navošta Biełarusi jadziernaja zbroja
«Razam z rasijskaj zbrojaj moža źjavicca i rasijskaja vajskovaja baza. A vypierci ich budzie składana». Jakija nastupstvy atrymaje Biełaruś praz raźmiaščeńnie jadziernaj zbroi na svajoj terytoryi
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary
Eto poniatno,čto chočietsia poruliť vzrosłoj mašinoj,nu chto ž tiebie dast,malčyk iz kołchoza? Ty ničiehošieńki užie nie riešaješ,ty tolko siejčas eto zamietił? Eto zamietili vsie jeŝio v 20-m,i tolko ty živieš v svojej rozovoj burbałkie. S zielonym niebom. V fantazijach ty miečtaješ,čto nikto tiebia śvierhať nie budiet.No s žiełanijem prodliť svoju kołchoznuju dolčievitu ty śliškom mnoho prinios biedy biełorusam i Biełarusi.
Bulkaj dalšie svoimi rozovymi burbałkami.