«Ludzi pryvykli žyć u kamforcie, cyvilizavana, pryhoža». Valfovič patłumačyŭ, navošta Biełarusi jadziernaja zbroja
Raźmiaščeńnie rasijskaj taktyčnaj jadziernaj zbroi na terytoryi Biełarusi — adzin z krokaŭ stratehičnaha strymlivańnia, zajaviŭ dziaržaŭny sakratar Rady biaśpieki Biełarusi Alaksandr Valfovič, paviedamlaje BiełTA.
Valfovič narakaje, što «na terytoryi sumiežnych krain, na terytoryi pierš za ŭsio Polščy, — da 4% VUP advodzicca na patreby abarony».
«Stvarajecca, pa vialikim rachunku, nastupalnaja hrupoŭka, heta bačna niaŭzbrojenym vokam. Kab astudzić hetyja hałovy, Biełaruś, viadoma, moža pajści hetym ža šlacham, i ekanomiku pieranakiravać na vajskovyja patreby, pačać pavialičvać i razhortvać Uzbrojenyja siły da kolkaści vajennaha času, ale heta laža vialikim ciažaram na ekanomiku, na dabrabyt hramadzian, nasielnictva Biełarusi. Ludzi pryvykli žyć u kamforcie, cyvilizavana, pryhoža.
Dyk voś adnym z elemientaŭ, skažam tak, stratehičnaha strymlivańnia ŭ vajennym płanie, viadoma, źjaŭlajecca taktyčnaja jadziernaja zbroja», — skazaŭ Alaksandr Valfovič.
Valfovič śćviardžaje, što heta Zachad nie pakinuŭ Biełarusi inšaha vyjścia. «Choć, vyvodziačy ŭ 1990-ja hady jadziernuju zbroju ź Biełarusi, Zachad, pierš za ŭsio Złučanyja Štaty Amieryki, harantavaŭ zabieśpiačeńnie biaśpieki, adsutnaść jakich-niebudź sankcyj u dačynieńni da Biełarusi, — pieradaŭ naratyvy prapahandy dziaržsakratar Rady biaśpieki. — Siońnia ŭsio parušana, tamu raźmiaščeńnie taktyčnaj jadziernaj zbroi na terytoryi Respubliki Biełaruś — heta adzin z krokaŭ stratehičnaha strymlivańnia».
Valfovič miarkuje, što «čyrvonyja linii» na Zachadzie nie piarojduć, nie patłumačyŭšy, što maje na ŭvazie. Ale jak što, dyk Valfovič hatovy da prymianieńnia jadziernaj zbroi.
«Tamu što prymianieńnie navat taktyčnaj jadziernaj zbroi pryviadzie da niezvarotnych nastupstvaŭ. Heta budzie, viadoma, krajni krok. Ale krok, apraŭdany dla taho, kab abaranić našu krainu. Nam čužoha nie treba, ale svajo my nikoli nie addadzim», — skazaŭ jon.
25 maja ministry abarony Biełarusi i Rasii Viktar Chrenin i Siarhiej Šajhu padpisali dakumienty, jakimi vyznačajecca paradak raźmiaščeńnia ŭ našaj krainie rasijskaj niestratehičnaj jadziernaj zbroi. Šajhu pry hetym padkreśliŭ, što kantrol za zbrojaj, a taksama pryniaćcie rašeńniaŭ ab prymianieńni zastajucca za Rasijaj.
«Razam z rasijskaj zbrojaj moža źjavicca i rasijskaja vajskovaja baza. A vypierci ich budzie składana». Jakija nastupstvy atrymaje Biełaruś praz raźmiaščeńnie jadziernaj zbroi na svajoj terytoryi
Dzie raźmieściać rasijskuju jadziernuju zbroju, vybuch jakoj moža źniščyć ceły horad?
«Kazać, što my ŭsie pamrom, — dakładna niapravilna». Ekśpiert pra mahčymyja nastupstvy jadziernaj vajny
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary
Našu krainu heta jakuju krainu? vašu Rasieju? Złačyniec Valfovič pramym tekstam kaža što heta pryviadzie da niezvarotnych nastustvaŭ, ale hety nastupstvy buduć dla Biełarusi. Pa Biełarusi naniasuć jadzierny ŭdar.
Valfovič patłumač, jak heta abaronić NAŠU krainu??