Minzdaroŭja raskazała pra stan paciarpiełych na Śvietłahorskim celułozna-kardonnym kambinacie
Pavodle papiaredniaj infarmacyi Centra miedycynskaha reahavańnia Ministerstva achovy zdaroŭja, paciarpiełych čaćviora (1985-1996 h. n.).
Va ŭsich dyjahnastavali pavierchnievyja rany hałavy i pavierchnievyja apioki ruk.
Bryhady chutkaj miedycynskaj dapamohi na miescy dapamahła paciarpiełym. Ad špitalizacyi jany admovilisia.
Siońnia dniom vybuch adbyŭsia na zavodzie bielenaj celułozy ŭ Śvietłahorsku.
Jak raskazali «Svabodzie» krynicy, «vybuch byŭ taki, nibyta bomba ŭpała», jaho było čuvać u susiedniaj z zavodam vioscy Jakimava Słabada.
Staršynia Śvietłahorskaha rajvykankama Dźmitryj Šabietnik daŭ kamientar pra zdareńnie miascovamu vydańniu.
Pavodle jaho, z 2 červienia zavod bielenaj celułozy Śvietłahorskaha CKK znachodziŭsia na aficyjnym pierapynku. Pry praviadzieńni prafiłaktyčnych i ramontnych rabot u cechu vyparki škipinaru pry pramyvańni ciepłaabmieńnika adbyŭsia vybuch.
Na pradpryjemstvie pracuje kamisija dla vyśviatleńnia pryčyn taho, što adbyłosia.
«Pahrozy dla žyćcia i zdaroŭja nasielnictva niama», — skazaŭ čynoŭnik.
U 2020 hodzie na CKK u vyniku vybuchu na čanie rakitavaha aleju zahinuŭ čałaviek — 40-hadovy zvarščyk Alaksandr Rusinovič.
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu10
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary