Kolkaść paciarpiełych va Uljanaŭskaj vobłaści ad atručvańnia sidram vyrasła da 43, dvoje ź ich niepaŭnaletnija i adna ciažarnaja žančyna, paviedamlajuć «Iźviestija». Zahinuła 16 čałaviek, 26 u balnicy ŭ ciažkim stanie.
Vypadki atručvańnia mietanołam adbylisia adrazu ŭ niekalkich abłaściach Rasii. Najbolš trahičnaja situacyja va Uljanaŭskaj vobłaści. Tam zahinuła 16 čałaviek.
Pavodle papiaredniaj infarmacyi, ludzi atrucilisia sidram marki «Mistar sidr», vyrablenym u Samarskaj vobłaści.
Rasspažyŭnahlad Rasii zabiraje zaraz sidr z kramaŭ.
Kampanija, jakaja raźlivała «Mistar sidr», paviedamlaje Mash, mieła praterminavanuju dekłaracyju ab čyścini svajho abstalavańnia, a jaje ŭładalnik užo atrymlivaŭ papiaredžańnie za handal ałkaholem bieź licenzii.
Ułady zabłakavali pa ŭsioj Rasii abarot pradukcyi TAA «Andzi», jakaja vyrablała «Mistar sidr».
SK paviedamiŭ, što spravy ab atručvańni napojem pieradali ŭ Hałoŭnaje śledčaje ŭpraŭleńnie. Indyvidualny pradprymalnik, čyja kampanija vyrablała sidr, zatrymany.
TAA «Andzi» była zarehistravanaja ŭ kancy 2021 hoda, jaje zasnavaŭ Anar Husiejnaŭ, piša RBK. Pavodle danych ŚMI, zatrymany mienavita jon. U minułym hodzie čysty prybytak kampanii skłaŭ 1,02 młn rasijskich rubloŭ.
Pa fakcie hibieli ludziej raspačata kryminalnaja sprava pa častcy 3 artykuła 238 KK RF (akazańnie pasłuh, jakija nie adpaviadajuć patrabavańniam biaśpieki, što paciahnuli pa nieaściarožnaści śmierć dźviuch abo bolš asob), paviedamili ŭ Śledčym kamitecie.
Ciapier čytajuć
Pastupova vyjšli na volu aryštavanyja pa «Spravie kniharoŭ». Akramia adnaho5
Pastupova vyjšli na volu aryštavanyja pa «Spravie kniharoŭ». Akramia adnaho
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary