Rasija naŭrad ci zmoža całkam abaranić svaju čyhunku ad dyviersij — raźviedka Brytanii
Incydenty na čyhuncy ŭ pamiežnych z Ukrainaj rajonach Rasii vidavočna praciahnucca, tamu što achoŭvać takuju hihanckuju sietku šlachoŭ niaprosta. Pra heta havorycca ŭ ahladzie Ministerstva abarony Brytanii ab rasijska-ŭkrainskaj vajnie ad 5 maja, piša «Jeŭrapiejskaja praŭda».
Raźviedka adznačaje, što apošnim časam uzrasła kolkaść incydentaŭ na rasijskaj čyhuncy ŭ pamiežnych z Ukrainaj rajonach, jakija ličacca za dyviersiju nieviadomych asob, i takija vypadki amal dakładna zryvali čyhunačnyja pastaŭki dla patreb sił RF — prynamsi na karotki čas u kankretnych miescach.
«Choć čyhunačnyja bryhady zdolnyja chutka adnaŭlać linii, hetyja incydenty pavialičvajuć cisk na siły ŭnutranaj biaśpieki RF, jakija, chutčej za ŭsio, nie zmohuć całkam zaścierahčy razhalinavanuju i ŭraźlivuju sietku čyhunki Rasii ad napadaŭ», — adznačajuć u ahladzie.
U papiarednim ahladzie taksama raspaviadali, što Rasii, imavierna, daviadziecca mianiać sistemu pastaŭki paliva praz rehularnyja ŭdary pa bazach zachoŭvańnia ŭ pamiežnych z Ukrainaj rajonach.
Čytać taksama:
U Branskaj vobłaści ciahnik puścili pad adchon. Vyhladaje, što zhareŭ biełaruski ciepłavoz
U Branskaj vobłaści znoŭ zrabili paśpiachovuju dyviersiju na čyhuncy
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary