Armienija zabłakavała dla Rasii mahčymaści abychodzić zachodnija sankcyi
Jak piša The Insider sa spasyłkaj na armianskija ŚMI, taki zahad daŭ asabista Pašynian.
Armienija pierakryła dla Rasii mahčymaści praz svaju terytoryju abychodzić zachodnija sankcyi. Pra heta 14 krasavika paviedamiła vydańnie The Insider sa spasyłkaj na ekskluziŭ armianskaha navinnaha ahienctva Hraparak.
Pa infarmacyi Hraparak, hetaje rašeńnie jašče ŭ sakaviku pryniaŭ asabista premjer-ministr krainy Nikoł Pašynian adrazu paśla viartańnia z Hiermanii, dzie jaho «stroha papiaredzili» ab nieabchodnaści pierakryć rasijski «paralelny impart» razam z bankaŭskimi pieravodami ŭ Rasiju.
Pavodle słovaŭ krynic armianskaha ahienctva, jakija pryvodzić The Insider, Pašynian byŭ «surjozna zakłapočany» hetymi patrabavańniami.
«Adrazu paśla viartańnia z Hiermanii Nikoł Pašynian sabraŭ naradu, na jakoj prysutničali členy ŭrada razam z kiraŭnikami Centrabanka i Kamiteta dziaržaŭnych dachodaŭ krainy, dzie zapatrabavaŭ jak maha chutčej pierakryć kanały pastavak tavaraŭ i hrošaj u Rasiju», — napisaŭ The Insider sa spasyłkaj na Hraparak.
Jak paviedamlajecca, hetaje rašeńnie pryviało da rezkaha ŭzmacnieńnia kantrolu za bankaŭskimi apieracyjami rasijan i mocnamu źnižeńniu dachodaŭ kampanij, jakija dapamahali Rasii abychodzić sankcyi.
Akramia hetaha, u aeraportach Armienii pačali rehularna praviarać pakunak asobnych pasažyraŭ z nahody pieravozki ŭ Rasiju mikraschiem i inšych sankcyjnych tavaraŭ.
«Heta ž nakolki pavinien byŭ spałochacca kiraŭnik krainy, kab tak pasłuchmiana i adrazu vykonvać čužyja ŭkazańni», — pryvodzić ahienctva Hraparak mierkavańnie pradprymalnikaŭ, jakija dapamahali Rasii abychodzić sankcyi.
Nahadajem, što armianska-rasijskija adnosiny prykmietna sapsavalisia z-za adsutnaści z boku Rasii vajskovaj i palityčnaj dapamohi va ŭmovach kryzisu ŭ Nahornym Karabachu i rehularnych kanfliktaŭ z Azierbajdžanam, u jakich Armienija vostra maje patrebu ŭ abaronie.
Z hetaha, naprykład, vyciekła niadaŭniaja ratyfikacyja Armienijaj Rymskaha statuta, jaki raspaŭsiudžvaje na krainu zonu ŭpłyvu Mižnarodnaha kryminalnaha suda ŭ Haazie (što adbyłosia praktyčna adrazu ž paśla vydačy ordera na aryšt Pucina, što stavić pad pahrozu jaho mahčymaje naviedvańnie Armienii).
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali1
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2525
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra25
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary