Premjer Armienii Nikoł Pašynian abvinavaciŭ rasijskich miratvorcaŭ u tym, što jany nie vykonvajuć abaviazacielstvaŭ pa kantroli Łačynskaha kalidora ŭ Nahorny Karabach, jaki, pavodle jaho słoŭ, błakujuć azierbajdžanskija siły. Praz heta naśpiavaje humanitarny kryzis.
«Viadoma, heta adbyvajecca praź dziejańni Azierbajdžana, ale ad hetaha sens nie mianiajecca. Heta klučavy sens prysutnaści rasijskich miratvorcaŭ — nie dazvalać niezakonnych dziejańniaŭ i trymać pad kantrolem Łačynski kalidor», — zajaviŭ Pašynian.
Situacyja ŭ kalidory, jaki złučaje asnoŭnuju terytoryju Armienii z Nahornym Karabacham, abvastryłasia 12 śniežnia, kali adzinuju darohu Ściepanakiert-Horys zabłakavali niejkija «ekaaktyvisty». Azierbajdžan abvinavačvaŭ u hetym rasijskich miratvorcaŭ, MZS Rasii rašuča adprečvała abvinavačvańni.
Armianskija ŚMI pišuć pra humanitarny kryzis u rehijonie z nasielnictvam u 120 tysiač čałaviek i pra toje, što pačynajecca deficyt praduktaŭ charčavańnia.
«Humanitarnaja situacyja ŭ Nahornym Karabachu zastajecca vielmi napružanaj u vyniku niezakonnaj błakady Azierbajdžanam Łačynskaha kalidora. Sotni siemjaŭ zastajucca padzielenyja pa roznyja baki błakady. U Nahornym Karabachu nie chapaje šeraha tavaraŭ pieršaj nieabchodnaści, u tym liku charčavańnia», — padkreśliŭ Pašynian.
U listapadzie Pašynian admoviŭsia padpisvać dekłaracyju Savieta ADKB pa vynikach Jerevanskaha samitu, pakazaŭšy, što siabroŭstva Armienii ŭ ADKB nie zabiaśpiečyła reakcyi vajskovaha sajuza na dziejnaść Azierbajdžana.
Pavodle analitykaŭ, mahčymy vychad Armienii z ADKB.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary