«Ruski dobraachvotnicki korpus» zajaviŭ, što znoŭ trapiŭ u Branskuju vobłaść z boku Ukrainy
U jakaści dokazaŭ «Ruski dobraachvotnicki korpus» raspaŭsiudziŭ videa, na jakim udzielnik arhanizacyi, jak śćviardžajecca, havoryć z žycharom Branskaj vobłaści i prosić jaho schavacca va ŭkryćci na čas bajavych dziejańniaŭ.
«Siońnia bajcy «Ruskaha dobraachvotnickaha korpusa» znoŭ naviedali Branskuju vobłaść! Niahledziačy na toje, što hubiernatar Bahamaz užo rapartavaŭ ab «paśpiachovym adbićci ataki ŭkrainskich DRH», my znoŭ łovim jaho na chłuśni!» — havorycca ŭ paviedamleńni RDK.
Raniej «Ruski dobraachvotnicki korpus» ŭ svaim telehram-kanale apublikavaŭ apytanku ab šancach patrapić u Branskuju vobłaść. Praz hadzinu źjaviłasia paviedamleńnie ab sprobach «ukrainskaj DRH» trapić na terytoryju vobłaści.
Hubiernatar Branskaj vobłaści Alaksandr Bahamaz napisaŭ, što «ŭkrainskaj DRH» u składzie 20 čałaviek nanieśli ahniavoje paražeńnie padraździaleńni US RF i pahraničniki, takim čynam spyniŭšy sprobu jaje patraplańnia na terytoryju Rasii.
Upieršyniu pra «Ruski dobraachvotnicki korpus» infarmacyja źjaviłasia kala miesiaca tamu. 2 sakavika ŭ Branskuju vobłaść RF pranikła hrupa dyviersantaŭ, i adkaznaść za dziejańni na terytoryi siołaŭ Lubiečany i Sušany ŭziała akurat hetaja arhanizacyja. Tady dva čałavieki zahinuli i dvoje byli paranienyja.
Kamandzir korpusa Dzianis Nikicin śćviardžaŭ, što apieracyja była ŭzhodniena z ukrainskim kamandavańniem, ale jano hetaha nie paćviardžała.
Zasnavalnika «Ruskaha dobraachvotnickaha korpusa» abvinavacili ŭ padrychtoŭcy zamachu na pravasłaŭnaha miljardera
Pierad padzieńniem samalota ŭ Branskaj vobłaści na terytoryju kambinata Rasrezierva było skinuta dźvie avijabomby — «Baza»
U Branskaj vobłaści ŭpaŭ ukrainski lohkamatorny samalot, piłota zatrymali — rasijskija ŚMI
U Branskaj vobłaści mabilizavany ŭziaŭ u zakładniki 10 vajskoŭcaŭ, kali daviedaŭsia, što na vajnie zahinuli jaho rodnyja
Kamientary
Ukraincam možno nastupať na moskvu čieriez briansk.. maksimum kto im pomiešajet paru haišnikov)) k viečieru budut v moskvie! I nie pridietsia za krym vojevať