«Ruski dobraachvotnicki korpus» śćviardžaje, što ŭzhadniŭ z Ukrainaj apieracyju ŭ Branskaj vobłaści
Kamandzir «Ruskaha dobraachvotnickaha korpusa» Dzianis Nikicin u intervju Financial Times zajaviŭ, što ŭłady Ukrainy viedali pra apieracyju «Ruskaha dobraachvotnickaha korpusa» u Branskaj vobłaści. «Inakš jana prosta nie mahła b prajści».
«Jak vy sabie ŭjaŭlajecie, kab ja prajšoŭ tam nočču ŭ ciemry? Jość zaminavanyja masty, jość kamiery, bieśpiłotniki ź ciepłavizarami, jość schavanyja naziralnyja punkty. Kali b ja ni z kim [va Uzbrojenych siłach Ukrainy] heta nie ŭzhadniŭ… Ja dumaju, my byli b prosta źniščanyja».
Nikicin raskazaŭ, što ŭ apieracyi ŭdzielničała kala 45 čałaviek, mnohija ź ich, pavodle jaho, — členy partyzanskaj padpolnaj sietki na terytoryi Rasii.
Jon taksama paviedamiŭ, što ŭ adnoj ź viosak sapraŭdy adbyłasia pierastrełka, ale, pavodle jaho słoŭ, jamu ničoha nie viadoma pra achviar siarod mirnaha nasielnictva.
«Jany [ułady RF] adčuli, nakolki jany biezabaronnyja. My biehali i pracavali ŭ prymiežnaj zonie, jakaja pavinna być pad najstražejšaj achovaj… Hałoŭnaje było nahadać rasijanam… Vy možacie i pavinny bracca za zbroju. My padtrymajem usich, chto choča adchilić hetych kramloŭskich uzurpataraŭ ad ułady», — skazaŭ jon.
Kamientary